Leninen Ordena

Leninen Ordena
Jatorrizko izena	(ru) Орден Ленина
Mota	ordena
Award rationale (en)	Sobietar Batasuneko herritarrak, atzerritarrak, erakundeak, enpresak eta komunitateak: Estatuari eskainitako zerbitzu bikainak; zerbitzu eredugarria Indar Armatuetan; herrien arteko adiskidetasuna eta lankidetza sustatzea eta bakea indartzeko; merituzko zerbitzuak estatu sobietarrari eta gizarteari
Honen izena darama	Vladimir Lenin
Indarraldi	1930eko apirilaren 6a - 1991
Fundatzailea	Iosif Stalin
Maila	baliorik ez Urriko Iraultzaren Ordena
Herrialdea	Sobietar Errepublika Sozialisten Batasuna
Beste batzuk
Sariaren irabazle	431.418

Leninen Ordena (errusieraz Орден Ленина, Orden Lenina) hala, Errusiar Iraultzaren liderragatik deitua, Sobietar Batasuneko bigarren kondekorazio nazionalik garrantzitsuena izan zen. Ordena honakoei ematen zitzaien:

Zibilei, Estatuari eginiko zerbitzu nabarmenengatik
Indar armatuetako kideei, ereduzko zerbitzuagatik
Herrien arteko elkarlana eta adiskidetasunaren eta bakearen indartzearen bultzatzaileei.
Estatuari eta sobietar gizarteari beste merituzko zerbitzu batzuengatik.

Sobietar Batasuneko Heroia edo Sozialista Lanaren Heroia bezala sarituek aldi berean Ordena jasotzen zuten, Sobietar Batasuneko Sobiet Gorenaren Presidiumak ematen zuena. Hiri, konpainia, lantegi, eskualde, unitate militar eta itsasontziei ere ematen zitzaien. Batzorde Zentralak ezarri zuen 1930eko apirilak 6an. Lehen saritua Komsomolskaia Pravda egunkaria izan zen, 1930eko maiatzak 23an. Saritutako lehen atzerritarrak bi estatubatuar hegazkin mekanikari izan ziren, 1934ko irailak 10ean Txeliuskin ontziaren bilaketa eta erreskate operazioetan izan zuten parte hartzeagatik.

Ezaugarriak

Leninen Ordenaren azken diseinua 1934an onartu zen. Platinoan Vladimir Leninen irudi bat zuen disko bat zuen domina bat zen. Diskoa urrezko bi galburuz eta Lenin (Ленин) hitza duen bandera gorri batez inguratua dago. Ezkerrean izar gorri bat agertzen da, eta igitaia eta mailuaren ikurra, hau ere gorria, behean dago. Domina paparraren ezkerrean jartzen zen, jatorrian zintarik gabe eta ondoren alboetan bi zerrenda hori zituen zinta gorri batekin.

Saritu batzuk

Sobietar Errepublika guztiak
Hiriak
- Mosku
- Leningrado
Konpainiak
- Komsomolskaia Pravda egunkaria
- Gorkovski Avtomobilny Zavod (GAZ) auto lantegia
Pertsonak
- Fidel Castro kubatar presidentea
- Juri Gagarin kosmonauta
- Valentina Terexkova kosmonauta
- George Formby britainiar aktorea
- Nikita Khrustxev SESBeko Ministro Kontseiluko presidentea
- Nikolai Ostrovski idazlea
- Kim Philby britainiar/sobietar agente bikoitza
- Josip Broz Tito mariskala, 1945 eta 1980 artean Jugoslaviako presidentea izan zena
- Oleg Antonov ingeniari aeronautikoa
- Lev Yashin futbolaria
- Georgi Zhukov mariskala
- Jakov Zeldovitx zientzialaria
- Vladislav Tretiak izotz hockey jokalaria
- Nikolai Txebotariov matematikaria
- Maxim Gorki idazlea
- Konstantin Rokossovski mariskala
- Andrei Vlasov jenerala, ondoren naziekin lan egin zuena
- Dmitri Maksutov optikaria
- Meliton Kantaria sobietar sarjentua
- Arnaldo Tamayo Méndez kubatar kosmonauta
- Rubén Ruiz Ibarruri bizkaitar gerraria
- Vasili Zaitsev frankotiratzailea
- Nikolai Kamov helikoptero eraikitzailea
- África de las Heras ceutar espioia, beranduago sobietar nazionalizatua

Ikus, gainera

Sobietar Batasuneko ordena, kondekorazio eta dominak

Kanpo estekak

Datuak: Q185493
Multimedia: Order of Lenin / Q185493