Potato
Potato musika talde beteranoa da, 1980ko hamarkadan eta Gasteizen sortu eta arrakasta handia izan zuena, Euskal Rock Erradikala delako mugimenduan sailkatutakoa.
| Potato | |
|---|---|
_Glad_is_the_day_5_-_2019_DKluba_-_48486076921.jpg) | |
| Datuak | |
| Jatorria | Gasteiz, Euskal Herria |
| Musika mota | Reggae, Ska, Dub |
| Urteak | 1984 - 2007, 2009 - |
| Produkzioa | |
| Diskoetxea(k) | Oihuka |
| Taldekideak | |
| Juantxo Boriko "Johnny Brusco" Pedro Espinosa "Aianai" Elena López Agirre Pako Pko Julen Trepiana "Trepi" Javier Olloki "Okiman" Sergy Klaketas Julen Jam Adrian "Rata" Raulillo Fernando Calvo Ona Irene Andoni Mandanga | |
| Informazio gehigarria | |
     | |
Historia
aldatu1984an Juantxo Boriko "Johnny Brusco" eta Pedro Espinosa "Aianai" elkartu ziren eta Elena López eta Pako Pkorekin taldetxoa osatu ondoren urte bereko gabon zahar egunean eman zuten aurreneko kontzertua. 1985ean Jamaikara joan ziren eta han ikasitakoaz baliatuz Hertzainak eta Kortaturekin batera Lekeition "Euskadi Tropikalaren Jaialdia" antolatu zuten[1]. 1986an Bilbon 10.000 pertsonaren aurrean eman zuten kontzertua eta urte berean lehenengo diska plazaratu zuten, Tijuana In Blue taldearekin elkarbanaturikoa. Hurrengo urtean iritsi zen lehenengo diska bakarrean grabaturikoa, Punky, Reggae, Party mitikoa.
1989an Julen Trepiana "Trepi" eta Javier Olloki "Okiman" sartu ziren taldean eta hauekin beste hainbat diska sortu ziren. Bi hauek ordea 1995ean Plántala diskaren ondoren Potato utzi eta talde propioa sortzea erabaki zuten, Arawak.
Taldekide berriak hartu eta diska berriak plazaratu zituzten. 2006an Juantxo Boriko minbiziz hil zen eta 2007an bilduma diska zen Potato en Fueros atera eta taldea desegitea erabaki zuten.
2009an ordea Pako Pko-k Potatoren ibilbideari berrekin zion. Diska berria atera eta hurrengo urteetan kontzertu ugari eman zituen Euskal Herrian, Espainiar Estatuan eta baita Europa aldean ere. 2014-15 urtean esate baterako Alemanian izan zen. Diska berria ere kaleratu zuten 2014an[2]. Pedro "Aianai"-k ordea kargu hartu zion Potato izena erabiltzeagatik, taldea 2007an desegiteko erabakia hartu zutela argudiatuz.
Diskografia
aldatuPotato
aldatu- "Potato & Tijuana in Blue" (Oihuka, 1986), Tijuana In Blue taldearekin batera egindakoa.
- Punky, Reggae, Party (Oihuka, 1987).
- Erre que erre (Oihuka, 1990).
- Crónicas de puerto sin más (Oihuka, 1993).
- Plántala (Oihuka, 1995).
- PKO original (Gasteizko Langabetuen Asanblada, 1997).
- Directo, directo (Soviet Records, 1999).
- Como en sueños (Maldito Records, 2003).
- Potato en Fueros (Aianai Kultur Elkartea, 2007).
Potato (berria)
aldatu- La fiesta Ska! (Maldito Records, 2009).
- Todo el Rato (Maldito Records, 2014)[3].
Erreferentziak
aldatu- ↑ (Gaztelaniaz) «Historia y curiosidades de Potato, mítica banda de Gasteiz» Vitoria-Gasteiz 2014-02-06 (Noiz kontsultatua: 2017-10-20).
- ↑ POTATO » HISTORIA. (Noiz kontsultatua: 2017-10-20).
- ↑ (Gaztelaniaz) POTATO “Todo El Rato!!!” – Maldito Records -. 2015-02-05 (Noiz kontsultatua: 2017-10-20).
Kanpo estekak
aldatu- (Gaztelaniaz) Webgune ofiziala
Datuak: Q1247716
Multimedia: Potato (band) / Q1247716
