Luis Maria Uriarte
 Uriarte 2009an. | ||
| Datu pertsonalak | ||
|---|---|---|
| Izen osoa | Luis Maria Uriarte Aldaiturriaga | |
| Jaio | 1950eko azaroaren 26a | |
| Luiaondo, Aiara (Txantiloi:EH-AR Araba) | ||
Luis Maria Uriarte Aldaiturriaga[1] (Luiaondo, Araba, 1950eko azaroaren 26) arkitekto arabarra da. Laudion bizi eta bertan du bere estudioa[2].
Biografia
Madrilgo ETSAM[3] eskolan lortu zuen arkitekto-titulua 1980an. Nafarroako Unibertsitatean proiektuetako irakasle da 1999tik.
Arkitektura-aldizkari batzuetan artikuluak sarritan idatzi ditu eta berari buruzko monografia bat ere idatzi da.
Lanak eta sariak
Beste batzuen artean[4] lan hauek nabarmendu daitezke:
- Bilboko Arte Eder Museoaren zaharberritze lanak egin zituen 1997an.
- 2005ean EHAEOren hirigintzako saria lortu zuen, Laudion diseinatu eta eraikitako eskailera eta igogailu publikoarengatik[5]. Zumalakarregi etorbidea eta José Mardones kalea (Arraño auzoan) lotzen ditu.
- Getxoko antzoki eta Musika eskola berriak egiteko ideia-lehiaketa irabazi zuen 2007an[6][7].
- Gasteizko Salburua auzoan eraiki behar ziren etxe batzuen proiektuagatik; etxeak ez ziren pentsatu bezala egin.
- Hiri bereko San Martin auzoko Osasun-Zentrua.
- 2010ean EHAEOk hiru urtean behin emandako Arkitektura Sari nagusia eskuratu du Eraikuntza dotazionalaren alorrean, Galdakaoko Gandasegi ikastetxeagatik.
- Aretako Patricia Bilbao urbanizazioaren diseinuagatik ere saritu zuten.
Erreferentziak
- ↑ Luis Mari izenaz ere ezaguna da.
- ↑ LMU Arkitektura Lantaldea du izena; Ugarte auzoko Ellakuri kaleko 19 zenbakian dago. Ikus albiste hau.
- ↑ Escuela Técnica Superior de Arquitectura de Madrid ("Arkitekturako Goi Mailako Eskola Teknikoa").
- ↑ Ikus curriculum osoa Kanpo loturetan.
- ↑ Albistea Laudioko Udaleko ZUIN buletinean.
- ↑ Berria Getxoko Udaleko webgunean; bere curriculuma kontsultagai.
- ↑ Proiektuaz Aldirin.
Ikus, gainera
Kanpo loturak
- (Gaztelaniaz) Luis Maria Uriarteren webgunea Nafarroako Unibertsitatearen webgunean.
- (Gaztelaniaz) Bere curriculuma kontsultagai.
- (Gaztelaniaz) Elkarrizketa elcorreo.com-en (2010-04-04)