Milan-San Remo
 Alessandro Petacchiren garaipena 2005ko ekitaldiaren amaieran. | |
| Ezaugarriak | |
|---|---|
| Data | Martxoaren erdialdera |
| Eskualdea |  Milan eta San Remo, Italia |
| Bertoko izena(k) | Milano-Sanremo |
| Modalitatea | Errepidea |
| Txapelketa | UCI World Tour |
| Mota | Egun bateko lasterketa klasikoa |
| Antolatzailea | RCS Sport |
| Historia | |
| Lehenengo edizioa | 1907 |
| Lehenengo irabazlea |  Lucien Petit-Breton |
| Garaipen gehien |  Eddy Merckx (7 aldiz) |
| Webgunea | http://www.milanosanremo.it |
Milan-San Remo, Italian ospatzen den txirrindulari lasterketa klasiko bat da, egun bakarreko lasterketen artean luzeenetako bat delarik 290 kilometro ingururekin. Lasterketa honen lehen edizioa 1907an ospatu zen. Italian korritzen den egun bakarreko lasterketarik ospetsu eta garrantzitsuena da.
Txirrindularitzako monumentuak bezala ezagutzen diren bost proba klasikoetako bat da Flandriako Tourra, Paris-Roubaix, Lieja-Bastogne-Lieja eta Lonbardiako Giroarekin batera. Munduko Txirrindularitza Koparen zati izan zen hau ospatu zen denbora guztian zehar (1989-2004), baita UCI Pro-Tourrekoa (2005-2007) eta UCI World Ranking/UCI World Tourrekoa ere (2009tik aurrera).
Bere garrantziagatik Clasicissima bezala ezagutzen da, baita udaberriko lasterketa bezala ere, urtero martxoaren amaieran korritzen bait da (hilabeteko azkenaurreko larunbata), eta lasterketaren hasiera dagoen Milaneko hotzetik liguriar rivierako eguzkira pasatzen da.
Eddy Merckxek hamaika aldiz parte hartu zuen proba honetan, 1966 eta 1976 bitartean, eta horietatik zazpitan irabazi zuen.
Ibilbidea
Lasterketaren ibilbidea oso gutxi aldatzen da urtetik urtera. Oso ikusgarriak dira Sanremora iritsi aurreko azken kilometroak, non txirrindulariak itsasotik oso gertu pasatzen diren. Alabaina, azken urteetan helmuga ez da beti toki berean egon.
Azken 30 kilometroetan dauden Cipressa eta Poggio muinoak txirrindulariek gainditu behar dituzten mendaterik garrantzitsuenak dira. Baina muino hauek pelotoia hausteko bezain gogorrak ez direnez, talde nahiko handi bat iristen da helmugara, garailea sprint masibo batean erabakiz.
Garaileak
.svg){kind=small}
.svg){kind=small}
Erreferentziak
- ↑ Costante Girardengo deskalifitua izan zen.
- ↑ Jean-Luc Vandenbroucke, hasiera batean hirugarrena, deskalifikatua izan zen.
Kanpo estekak
- (Italieraz)Webgune ofiziala
| Autoritate kontrola |
|
|---|
Datuak: Q33951
Multimedia: Milan-Sanremo / Q33951