FK Željezničar Sarajevo

Fudbalski Klub Željezničar Sarajevo
Ezizena(k)	Plavi ("urdinak")
Sorrera	1921
Futbol zelaia	Grbavica Stadium; edukiera: 16.100 lagun; inaugurazioa: 1953 (1976an berriztua)
Presidentea	Edis Kovačević
Entrenatzailea	Edis Mulalić
Liga	Bosnia-Herzegovinako Liga
2023-24	6.a
Webgunea	www.fkzeljeznicar.ba/

	Etxekoa

	Kanpokoa

FK Željezničar Sarajevo (bosnieraz Fudbalski Klub Željezničar Sarajevo) Bosnia-Herzegovinako futbol talde onena da palmaresari dagokionez, 6 liga eta 3 Kopa eskuratu baititu. Sarajevo hiriburuan dauka egoitza.

Historia

FK Željezničar 1921ean sortu zuten trenbideetako langileek, Željezničar izenak "trenbidetako langileak" esan nahi du hain zuzen ere. Ez zuen ordea emaitza aipagarrik izan harik eta 1971ean Jugoslaviako ligan bigarren egin eta hurrengo urtean Liga txapeldun bihurtu zen arte. 1981ean Kopako finalera ere iritsi zen baina FK Velež Mostarrek 3-2 irabazi zion. Bolada onai jarraiki 1984ean UEFA Kopako final erdiak jokatu zituen. Oraingoan Videoton FC hungariarrak utzi zuen finaletik kanpo.

Bosniako gerra amaitu ondoren 1998an liga berria sortu zen, momentuz ez ofiziala izan zena eta Željezničarrek irabazi zuen. 2000-01 denboraldian abiatu zen Bosnia-Herzegovinako futbol liga ofiziala eta Željezničar izan zen lehen bi ekitaldietako txapelduna. Azken urteetan beste hiru liga irabazi ditu eta txapelketa gehien irabazi dituen taldea da, azken titulua ordea 2013koa du. 2016-17 denboraldian bigarren egin du, txapeldunarengandik puntu bakarrera gelditu da.