Conan detektibea

Conan Detektibea
	Irudi gehiago
Jatorria
Sortzailea(k)	Gosho Aoyama
Izenburua	名探偵コナン
Jatorrizko herrialdea	Japonia
Ezaugarriak
	conan-portal.com

Conan Detektibea (名探偵コナン Meitantei Konan) Gosho Aoyamak idatzi eta marrazturiko manga saila da. Manga 1994an hasi zen argitaratzen, Japoniako Shogan Shonen Sunday astekarian, Shogakukan argitaletxearen eskutik. Gaur arte Tankōbon deituriko 98 errekopilazio liburuki argitaratu dira. Geroago, TMS Entertainment estudioek ekoitzitako anime sail batera egokitu zen eta Yomiuri TVn transmititzen da 1996tik. Sailak 23 animaziozko film, hainbat OVA, irudi errealean grabatutako telesail bat, hainbat bideo-joko eta merchandising produktu ugari sortu ditu.

Euskal Herrian EITBk igorri izan du animea, ETB1 eta ETB3 kateetan. 105 kapitulu itzuli dira euskarara, Japoniako 99 kapitulu izango liratekeelarik. 2 film ere itzuli dira euskarara.

Argumentua

Oharra: Atal honek istorio osoa edo amaiera argitzen du.

Shinichi Kudo, bigarren hezkuntzako ikaslea, Japoniako detektibe gazte ospetsuena da. Egun batean bere lagun min Ran Mourirekin jolas-parke batera joan zen, baina Shinichi Ranengandik pixkat aldendu zenean, beltzez jantzitako bi gizon misteriotsuk kordea galarazi eta APTX 4869 pozoina eman zioten, bera hiltzeko asmoarekin. Hala ere, pozoiak ustekabeko eragina izan zuen: Shinichiren gorpua 7 urteko haur batena bihurtu zen.

Gazteak Conan Edogawa izena hartu zuen, bere nortasuna ezkutatuz, gertukoak babestu ahal izateko. Ranekin, eta bere aita den Kogoro Mouri detektibearekin, joan zen bizitzera. Bietako batek ere ez daki Conan benetan Shinichi dela, eta honek bere sekretua erabili ohi du, inork jakin gabe, Mouriren kasuak argitzeko.

Bere benetako nortasuna ezagutzen duten bakarrak Asmazak Profesorea, Heiji Hattori, Ai Haibara, Yusaku eta Yukiko Kudo eta Vermouth, Beltzezko Gizonen Erakundeko kidea, dira.

Pertsonaiak

Nagusiak

Shinichi Kudo / Conan Edogawa: Istorioaren protagonista da. Shinichi 17 urteko gaztea den arren 6-7 urteko haur bilakatu da APTX 4869 drogaren eraginez. Conan Edogawa izena Sir Arthur Conan Doyle eta Rampo Edogawa egileengatik aukeratu zuen. Bere gurasoak Yusaku Kudo idazlea eta Yukiko Kudo aktorea dira. Ranetaz maitemindurik dago, eta haur bilakatu zenetik bere etxean bizi da, honen aita den Kogoro Mouri detektibearekin batera. Nortasun berriarekin Lehen Hezkuntzako ikastetxe batera joaten hasten da, bertan Ayumi, Genta eta Mitsushikoren laguna bilakatzen delarik. Bere lehengo bizitza berreskuratu bitartean Kogororen kasuak ebazteaz arduratzen da. Horretarako Asmazak profesorearen asmakizun ugari erabiltzen ditu.
Ran Mouri: Shinichirekin batera saileko protagonista den 17 urteko gaztea da. Shinichi bere haurtzaroko laguna da eta berataz maitemindurik dago. Normalean, bere aita Kogoro Mouriri eta Conani laguntzen die hilketa, suizidio, krimen eta abarretan. Karate egiten du, eskolako taldeko kapitaina eta maila erregionaleko txapelduna delarik. Behin baino gehiagotan susmatu du Conan benetan Shinichi dela, baina ume bat baino ez dela pentsatuz amaitzen du beti.
Kogoro Mouri: Detektibe pribatu bat da, Ranen aita eta Eri Kisaki abokatu ospetsuaren senar ohia. Tabakoa, alkohola, zaldi lasterketak eta Yoko Okinoren kontzertuak gustuko ditu. Conan bere etxera joaten denean, bere detektibe ospea asko hazten da, detektibe lokartuaren ezizena irabaziz. Detektibe lanak egiteko adimenik ez duela dirudien arren, iraganean polizia bikaina izan zen. Adimen handia eta bere ingurukoen kasuak ebazteko gaitasuna erakutsi izan du, normalean bere onena ematen ez duela erakutsiz.

Bigarren mailakoak

Kaito Kuroba: Kaito Kid bitxi lapur ospetsuaren benetako nortasuna da. 17 urteko nerabea da, eta bigarren hezkuntzako bigarren urtea egiten ari da Ekoda eskolan. Talentu intelektual eta fisiko ugari dituen azti handitzat hartzen da, erakargarritasun fisiko eta emakumeak konkistatzeko gaitasun handia izateaz gain. Aoko Nakamori bere haurtzaroko lagunataz maiteminduta dago.
Asmazak doktorea: Shinichiren etxearen ondoan bizi den asmatzailea da. Bera izan zen lehena Conanen nortasuna jakiten. Conani kasuak ebazten laguntzen dio, zenbait asmakizun eskainiz. Ai Haibara bere etxean bizi da.
Ai Haibara: APTX 4869 pozoinaren sortzailea eta Beltzezko Gizonen Erakundetik datorren zientzialaria, bere benetako izena Shiho Miyano da eta 18 urte ditu. Erakundean Sherry bezala ezagutzen zuten. Ginek bere arreba zen Akemi Miyano hil ondoren, APTX 4869a hartzea erabakitzen du, bere buruaz beste egingo zuela pentsatuz, erakundeak, lan gehiago egin nahi ez zuenez, giltzapetu egin baitzuen. Hala ere Shinichi Kudori gertatu bezala, gaztetu egin zen. Sailaren zati batzuetan, Shinichi Kudok erakartzen duela ikus daiteke. Asmazak profesorearekin bizi da eta aita-alaba harreman berezi samarra dute.
Heiji Hattori: 17 urteko detektibe gaztea da, Osakakoa. Bere herrian, Shinichik Tokion duen ospe bera du, "Mendebaldeko detektibe handia" ezizena irabazi duelarik. Conanekin pare bat aldiz egon ondoren, bere benetako nortasuna asmatzen du. Denborarekin, bere lagun handia bihurtzen da. Bere lagunik onena Kazuha Tomaya da, txikitatik ezagutzen du eta berataz maiteminduta dago. Hattorik gaitasun intelektual eta burutsu handiak ditu, kendo praktikatzaile handia izateaz gain.
Yusaku Kudo: Yusaku Shinichiren aita da, eta, Yukiko emaztearekin batera, Conan Edogawaren sekretua dakiten gutxietako bat. Mundu osoan ospea duen eleberrigilea da. Oso adimentsua da eta sarri poliziarekin batera egin du lan kasu zailak ebazten.
Yukiko Kudo: Yukiko Shinichiren ama da, eta, Yusaku senarrarekin batera, Conan Edogawaren sekretua dakiten gutxietako bat. Behin aktore ospetsu bat izan zen, baina Yusakurekin ezkondu ondoren erretiratu egin zen. Mozorrotzeko gaitasun handia du.
Megure inspektorea: Polizia inspektore bat da, Tokioko Polizia Metropolitarraren Lehen Dibisiokoa. Harreman ona dauka Shinichirekin, kasu askotan laguntza handia suposatu diola onartuz. Bestalde, ez dio errespetu handirik Kogororori, eta hau madarikazioren baten pean egon daitekeela uste du, Kogoro agertzen den bakoitzean, gertu hilketa kasuren bat gertatzen baita. Conan eta beste haurrei ez die kasu gehiegi egiten, molestia bat direla pentsatzen baitu.
Sonoko Suzuki: Ranen lagunik onena da, eta Makoto Kyogokuren neska-laguna, berarekin distantzia luzeko harreman batean aurkitzen delarik. Familia dirudun baten alaba da. Conanek, kasu batzuk ebatzi ahal izateko bere erloju anestesiatzailearekin lokartu behar izaten du. Hori dela eta, Sonokok bigarren hezkuntzako detektibe handitzat du bere burua, "Sonoko dedukzioen Erregina" ezizena hartu duelarik.
Ayumi Yoshida: Teitan ikastetxeko lehen hezkuntzan ikasten duen lehen mailako ikaslea da. Conanetaz maiteminduta dago, eta Detektibe Gazteen Ligako kidea da.
Genta Kojima: Lehen Hezkuntzako 1. B mailako ikaslea eta Detektibe Gazteen Ligako kidea da. Ez da oso azkarra, baina bai indartsua, eta hori garrantzitsua da Ligarentzat, Ligak sarri ezaugarri horren beharra baitu kasuak ebazteko. Ayumi Yoshidataz maiteminduta dago.
Mitsuhiko Tsuburaya: Lehen Hezkuntzako 1. mailako ikaslea eta Detektibe Gazteen Ligako kidea da. Hasieran Ayumi gustatzen zaio, baina Ai ezagutu ostean hori aldatu egiten da. Arreba bat du, kapitulu batean bakarrik agertzen dena, eta familia aberats batekoa da. Batzuetan inbidia dio Conani bere adimenagatik.
Wataru Takagi: Polizia ofizial eta Tokioko Barrutiko Polizia Metropolitarreko Ikerketa Kriminaleko Lehen Dibisioko detektibe bat da. Conanen dedukzioetan konfiantza duen ofizial bakarrenetakoa da.
Eri Kisaki: Ranen ama eta Kogororen emazte ohia da. Abokatu modura egiten du lan, munduko onenetako bat delarik bere ofizioan. Oso pertsona adimentsua da, eta gainera judo egiten daki.
Gin eta Vodka: Beltzezko Gizonen Erakundeko bi kide dira. Hauek izan ziren Shinichiri APTX 4869 pozoina eman ziotenak. Gin da bien artean kargu altuena duena.

Atalak

Euskal zenbaketa ordu erdiko iraupeneko pasarteetan banatzen da. 105 izan dira euskaraz bikoiztutako atalak (Japoniako 99):

001- Mende honetako detektiberik ospetsuena
002- Detektibe ospetsua umeturik
003- Kontuz telebistako izarrekin
004- Kodea: arrain distiratsua
005- Leherketa bala trenean
006- Hilketa San Valentin egunean
007- Opari! Mehatxua hilero
008- Hilketa arte museoan
009- Udaberri festako hilketa
010- Xantaia futbol jokalariari
011- Hilketa Beethovenen ilargiarte argitan (1)
012- Hilketa Beethovenen ilargiarte argitan (2)
013- Ayumiren bahiketa
014- Aztarna faltsuen atzetik
015- Tiroketa mezu kodetua
016- Desagertutako gorpua
017- Bildumazalearen hilketa
018- Lapurreta saltoki gunean
019- Ezkontza egun iluna
020- Hilketa igogailuan
021- Hilketa etxe sorginduan
022- Hilketa zine izarren taldean
023- Hilketa luxuzko transatlantikoan (1)
024- Hilketa luxuzko transatlantikoan (2)
025- Amnesia gaixo ederraren misterioa
026- Erreskate faltsua alabaren bahiketan
027- John eta hilketa kasua
028- Hilketa Kogororen lagunartean (1)
029- Hilketa Kogororen lagunartean (2)
030- Konputagailu bidezko hilketa
031- Hilketa eta koartada
032- Hilketa telebistako estudioan
033- Hilketa kafetegian
034- Detektibe Gazte taldea nagusi
035- Mendiko etxeko hilketa eta gizon misteritsua (1)
036- Mendiko etxeko hilketa eta gizon misteritsua (2)
037- Asteleheneko zazpi eta erdietako hilketaren kasua
038- Eguberriko kaktusa eta mendekua
039- Suaren ospakizunetako hilketa
040- Etxe aberatseko alabaren hilketa (1)
041- Etxe aberatseko alabaren hilketa (2)
042- Txapelketako bandera urratua
043- Karaokeko hilketa
044- Conan bahituta
045- Hotta familiako hilketak
046- Hilketa makilatua
047- Hilketa mendiko etxean
048- Kiroldegiko hilketa
049- Diplomatikoaren hilketa (1)
050- Diplomatikoaren hilketa (2)
051- Hilketa liburutegian
052- Golfa eta hilketak
053- Lainoarteko Iratxoaren hilketak (1)
054- Lainoarteko Iratxoaren hilketak (2)
055- Arma ezezagunaren kasua
056- Hilketa kasinoan
057- Treneko hilketa
058- Ilargi arraina eta hilketa misteriotsua
059- Holmes-en omenaldiko hilketa (1)
060- Holmes-en omenaldiko hilketa (2)
061- Hilketa erosketa jolas egunean
062- Marrazkilariaren hilketa
063- Ontzi mamuko hilketak (1)
064- Ontzi mamuko hilketak (2)
065- Gomera mamuaren hilketak
066- Hilketa eta hiru hatz-marka
067- Bahiketa karramarroekin eta balearekin
068- Kale iluneko hilketa
069- Aktorearen hilketa
070- Itzalpeko Baroiaren hilketak (1)
071- Itzalpeko Baroiaren hilketak (2)
072- Itzalpeko Baroiaren hilketak (3)
073- Jazarlearen hilketa
074- Hiru anaien kasua
075- Misterioa itsaspeko kobazuloan
076- Herioren misterioa
077- Bankuko presidentearen hilketa
078- Conan Katalapur Gaztearen kontra (1)
079- Conan Katalapur Gaztearen kontra (2)
080- Hilketa misteriotsuak familia ezagunean (1)
081- Hilketa misteriotsuak familia ezagunean (2)
082- Hilketa banku lapurretan
083- Artista arlotearen hilketa
084- Artista ospetsuen bahiketa (1)
085- Artista ospetsuen bahiketa (2)
086- Hilketa ospitale nagusian
087- Mendiko aterpetxeko hilketak (1)
088- Mendiko aterpetxeko hilketak (2)
089- Bila dezagun bahitzailea!
090- Kurriloak maite zituen gizonaren hilketa
091- Drakularen gazteluko hilketa (1)
092- Drakularen gazteluko hilketa (2)
093- Hilketaren lore usain goxoa
094- Hospitaleko lapurra
095- Izua mendiko bideetan (1)
096- Izua mendiko bideetan (2)
097- Elurretako anderearen kondaira
098- Kogororen hitzordua eta hilketa
099- Bi misterio ikaragarri! (1)
100- Bi misterio ikaragarri! (2)
101- Bi misterio ikaragarri! (3)
102- Bi misterio ikaragarri! (4)
103- Agur egiteko ardoa
104- Zeramista ospetsuaren etxeko hilketa (1)
105- Zeramista ospetsuaren etxeko hilketa (2)

Bikoizketa

Bikoiztetxea: Edertrack / Mixer Bilbao
Zuzendaria: Jesus Eguskiza, Teresa Eguskiza

Pertsonaia	Euskal bikoizlea	Japoniar ahotsa
Shinichi Kudo	Xebe Atencia	Kappei Yamaguchi
Conan Edogawa	Xebe Atencia	Minami Takayama
Ran Mouri	Monica Erdocia	Wakana Yamazaki
Kogoro Mouri	Xeberri / Felix Arkarazo	Akira Kamiya
Sonoko Suzuki	Ana Bego Egileor / Belen Oskoz	Naoko Matsui
Ayumi Yoshida	Jaione Insausti	Yukiko Iwai
Genta Kojima	Beñat Narbaiza / Peio Artexte	Wataru Takagi
Mitsuhiko Tsuburaya	Maribel Legarreta / Eba Ojanguren	Ikue Otani
Asmazak Profesorea	Eduardo Gorriño	Kenichi Ogata
Megure Inspektorea	Jabi Pombo	Furin Cha
Wataru Takagi	Jon Goiri	Wataru Takagi
Gin	Kepa Cueto / Beñat Nerzaba	Yukitoshi Hori
Vodka	Felix Arkarazo / Kepa Cueto	Fumihiko Takichi
Heiji Hattori	Iker Diaz	Ryo Horikawa
Kaito Kid	Xabier Alkiza	Kappei Yamaguchi
Yusaku Kudo	Kepa Cueto	Hideyuki Tanaka
Yukiko Kudo		Sumi Shimamoto
Eri Kisaki		Gara Takashima
Ai Haibara	Maribel Legarreta	Megumi Hayashibara