Challenge Desgrange-Colombo

Orokortasunak

Kirola

Errepideko txirrindularitza

Sorrera

1948

Desagertzea

1958

Ekitaldi kopurua

11 (urtea: 1958)

Mota

Kirol txapelketa

Antolatzailea

L'Équipe

Palmaresa

Azken garailea

Fred de Bruyne

Garaipen gehien lortu duena

Fred de Bruyne

Ferdinand Kübler
(3 garaipen)

Dokumentazioa

Challenge Desgrange-Colombo denboraldi bakoitzeko txirrindulari onena saritzeko sailkapen bat izan zen 1948 eta 1958 artean. Bigarren Mundu Gerra amaitzean, munduko txirrindulari onenak saritzeko lehenbiziko ideiak sortzen hasi ziren. Horrela sortu zen Desgrange-Colombo Challengea (txirrindularitza munduan aski ezagunak ziren Henri Desgrange frantziarra eta Emilio Colombo italiarraren omenez). Sailkapen berri hau L'Équipe, La Gazzetta dello Sport, Het Nieuwsblad-Sportwereld eta Les Sports egunkariek antolatua izan zen.

Challenge honetarako puntuak, hurrengo probetako sailkapenetan lortzen ziren: Frantziako Tourra, Italiako Giroa, Milan-San Remo, Paris-Roubaix, Flandriako Tourra, La Flèche Wallonne, Paris-Brusela, Paris-Tours eta Lombardiako Giroa. Zerrenda honi, 1949an Suitzako Itzulia gehitu zitzaion, 1951n Lieja-Bastogne-Lieja eta 1958an Espainiako Vuelta.

Txirrindulariek, antolatzaile bakoitzeko (Belgika, Frantzia eta Italia) gutxienez hiru lasterketetako batean parte hartu behar zuten, sailkapenean agertzeko. Sailkapen honen helburuetako bat, garaiko txirrindulari onenei, Desgrange-Colombo osatzen zuten lasterketetan parte hartzeko presioa egitea zen.

Lehen garailea Briek Schotte belgikarra izan zen (1948ko Flandriako Tourra eta Munduko errepideko txapelketa irabazi zituena). Ferdi Kübler suitzarrak hiru aldiz irabazi zuen Challengea (1950, 1952 eta 1954), Fred De Bruyne bezala, azken hiru edizioetan gailendu zena.

Desgrange-Colombo Challengea 1958ko edizioa bukatzean amaitu eta aurrerantzean Super Prestige Pernodek ordezkatu zuen.

Palmaresa

Urtea	Garailea	Bigarrena	Hirugarrena	Laugarrena	Bostgarrena
1948	BEL Briek Schotte	ITA Fermo Camellini	ITA Gino Bartali	ITA Fiorenzo Magni	ITA Vito Ortelli
1949	ITA Fausto Coppi	ITA Gino Bartali	ITA Fiorenzo Magni	ITA Nado Logli	ITA Adolfo Leoni
1950	SUI Ferdi Kübler	ITA Fiorenzo Magni	SUI Hugo Koblet	ITA Fausto Coppi	ITA Gino Bartali
1951	FRA Louison Bobet	SUI Ferdi Kübler	ITA Fiorenzo Magni	SUI Hugo Koblet	ITA Gino Bartali
1952	SUI Ferdi Kübler	ITA Fausto Coppi	BEL Stan Ockers	BEL Briek Schotte	FRA Jean Robic
1953	ITA Loretto Petrucci	FRA Louison Bobet	BEL Stan Ockers	ITA Pasquale Fornara	SUI Ferdi Kübler
1954	SUI Ferdi Kübler	BEL Raymond Impanis	FRA Louison Bobet	BEL Germain Derycke	BEL Roger Decock
1955	BEL Stan Ockers	FRA Louison Bobet	BEL Jean Brankart	SUI Hugo Koblet	BEL Germain Derycke
1956	BEL Fred De Bruyne	BEL Stan Ockers	FRA Jean Forestier	BEL André Vlayen	FRA Louison Bobet
1957	BEL Fred De Bruyne	BEL Raymond Impanis	ITA Gastone Nencini	FRA Louison Bobet	Miguel Poblet
1958	BEL Fred De Bruyne	BEL Rik Van Looy	FRA Jacques Anquetil	Miguel Poblet	ITA Ercole Baldini

Erreferentziak

Kanpo estekak

Desgrange-Colombo Challengearen palmaresa memoire-du-cyclisme.eu

Datuak: Q1060092