Salem (Oregon)

Salem is de haadstêd fan de Amerikaanske steat Oregon en haadplak fan Marion County. De namme is ôflaat fan it Hebriuwske sjalom, dat 'frede' betsjut.

Salem
It Kapitool fan Oregon yn Salem
Bestjoer
Lân	Feriene Steaten
Steat	Oregon
County	Marion County, Polk County
Sifers
Ynwennertal	154.637 (2010)
Oerflak	120,1 km²
Befolkingsticht.	1.246,5 / km²
Hichte	46,7 m
Oar
Stifting	1842
Tiidsône	PST (UTC−8)
Simmertiid	PDT (UTC−7)
Offisjele webside
Offisjele webside Salem

Marion County mei Salem

Yn 1851 waard Salem haadstêd fan Oregon. Yn 1855 wie Korvallis in skoftke haadstêd, mar noch itselde jier waard Salem foar fêst oanwiisd as haadstêd.

It plak leit yn it middenpart fan de tige fruchtbere Willamettedelling; de rivier de Willamette rint troch de stêd. De rivier foarmet de grins tusken de countys Marion en Polk sadat de wyk West Salem yn Polk County leit. De bynamme fan de stêd is 'kjersestêd', fanwege it belang fan kerseferbou yn de omkriten en it jierlikse kersefestival dat dêr holden wurdt. It earste festival wie yn 1903.

Salem hat twa universiteiten, de Willamette Universiteit en de Corban Universiteit. De steat Oregon is de grutste wurkjouwer yn de stêd en it sikehûs fan Salem is de grutste partikuliere wurkjouwer.

Demografy

Fan de befolking is 12,4 % âlder as 65 jier en bestiet foar 28,3 % út ienpersoanshúshâldings. De wurkleazens beslacht 5,6 % (sifers folkstelling 2000).

Likernôch 14,6 % fan de befolking fan Salem bestiet út hispanics en latino's, 1,3 % is fan Afrikaanske oarsprong en 2,4 % fan Aziatyske komôf.

It oantal ynwenners gie omheech fan 108.846 yn 1990 nei 154.637 yn 2010.

Klimaat

Jannewaris hat in trochsneed temperatuer fan 4,2 °C, yn july is dat 19,1 °C. Der falt trochstrings 994,7 mm delslach it jier (feiten op basis fan de mjitperioade 1961-1990).

Berne yn Salem

• Alfred Gilbert (15 febrewaris 1884), heechljepper
• Patricia A. McKillip (29 febrewaris 1948), skriuwster
• Porter Lowry (27 oktober 1956), botanikus
• Carmella Bing (21 oktober 1981), pornostjer, aktrise
• Kate Nauta, fotomodel en filmaktrise
• Jim Pepper, yndiaansk jazzmuzikant
• David Qualey, gitarist en komponist

Gallery

• 
  De Willamette Queen rêdboat op de Willamette
• 
  De karûsel yn Riverfront Park
• 
  Earste Feriene Metodistetsjerke
• 
  Gerjochtsgebou Marion County
• 
  Stege yn it sintrum fan Salem
• 
  In wyk yn Súd Salem yn de snie

Keppeling om utens

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Salem, Oregon fan Wikimedia Commons.