赣江
外观
![](http://upload.wikimedia.org/wikipedia/commons/thumb/9/9d/Ganrivermap.png/250px-Ganrivermap.png)
赣江係长江嗰一只支流,佢横穿江西,係江西最大嗰河。赣江一年嗰流量都要大过黄河,但係佢一年落嗰雨不均匀,故係赣江嗰河床不深,箇就碍到航运嗰发展。
赣江嗰源头係东边武夷山黄竹岭嗰贡水,佢係绵水跟湘水汇成嗰。赣江另外一只源头係出自大庾岭嗰章水。章、贡两条河到赣州汇到后就叫赣江。箇时间嗰赣江往北流,路过吉安、樟树、丰城跟南昌,末了就係鄱阳湖。赣江全长991公里,佢嗰支流长751公里,统共嗰流域面积8.35万平方公里。
赣州跟到新淦搦赣江分成三份,赣州上头係赣江嗰上游,箇首尽係山地,主要嗰河有湘水、濂江、梅江、平江、桃江、上犹江等等,佢俚末后哈一下汇到了章水跟贡水里头。赣州到新淦箇段係赣江嗰中游,起头水流非常急,接到到喽吉泰盆地就缓得多。箇时间主要有东西两头嗰孤江、遂川江、蜀水、禾水、泷水汇进来。新淦下头就係赣江嗰下游喽,箇里冇几多山,故係水不许急,箇段汇进来嗰有袁水同得绵河。
整个赣江流域气候都还要的,雨落得非常勤,一年得有1400~1800毫米。好几年嗰平均年径流量达到687亿立方米,水能嗰蕴藏量能有360万千瓦。100~300吨嗰船在干流上面都常年通行得正。赣江上就有江西最大嗰水电站-万安水电站。
赣江跟北江上嗰大庾、南雄隔得咁近,故係1936年粤汉铁路通车以前,赣江一径係连到长江跟珠江嗰最主要通道。
|