Anscar de Ivrea

Anscar de Ivrea
	;
Nome orixinal	(fr) Anschaire Ier d'Ivrée
Biografía
Nacemento	860
Morte	marzo de 902 (41/42 anos); Ivrea, Italia
Arcebispo
Actividade
Ocupación	gobernante
Outro
Título	Margrave (888–902); Conde (867–887)
Familia	Anscáridas (pt)
Cónxuxe	NN
Fillos	Adalberto I, Margrave de Ivrea
Pai	Amadeu de Langres

Anscar I de Ivrea (Anscharius en latín) nado no 860 e finado en marzo de 902, foi conde de Oscheret (867-887), no reino de Borgoña, e margrave de Ivrea, en Italia, desde 888^[1] ata a súa morte.

Traxectoria

Desde 877 ou 879 foi conde de Oscheret en Borgoña. Apoiou a Guido III de Spoleto para o trono de Francia tras a deposición de Carlos o Gordo en 887, pero tras o infrutuoso intento de Guido e a coroación de Odón, Conde de París, volveu con Guido a través dos Alpes, onde o duque foi elixido rei de Italia. En agradecemento, creou a Marca de Ivrea no nordeste e investiu ao seu amigo borgoñón.

Anscar foi conselleiro de Bosón da Provenza e irmán de Fulk, Arcebispo de Reims, quen apoiou con forza a dinastía carolinxia en Francia. Con Fulk, probabelmente invitou a Guido a Francia. Anscar loitou no nome da dignidade real de Guido en Italia. Enfrontouse a Arnulfo de Carintia durante a súa invasión deste de 894 e apoiou ao fillo de Guido Lamberto tras a morte de Guido nese ano. En 896, foi un dos poucos no norte que se opuxeron á segunda invasión de Arnulfo. Tras a morte de Lamberto, apoiou a Berengario de Friúl como rei e converteuse no seu principal conselleiro.

A esposa de Anscar é descoñecida, pero só tivo un fillo, Adalberto, a través do que foi o fundador dunha dinastía, os Anscáridas.

Notas

↑ Wickham, 178. A páxina web da Fundación para a xenealoxía medieval dá a data da asunción do cargo de margrave do 1 de decembro de 898, que tería marcado como unha das primeiras actas de Berengario como rei. Isto é totalmente negado por Wickham.

Véxase tamén

Bibliografía

Wickham, Chris (1981). Early Medieval Italy: Central Power and Local Society 400-1000 (en inglés). Londres: MacMillan Press. ISBN 9780333266717.

Outros artigos

Predecesor: Amadeo de Oscheret	Conde de Oscheret 867 – 887	Sucesor: Manasés I de Châlon
Predecesor: Nova creación	Marqués de Ivrea 888-902	Sucesor: Adalberto I

[1] Wickham, 178. A páxina web da Fundación para a xenealoxía medieval dá a data da asunción do cargo de margrave do 1 de decembro de 898, que tería marcado como unha das primeiras actas de Berengario como rei. Isto é totalmente negado por Wickham.

[1]