Thomas Young

Thomas Young, nado en Milverton o 13 de xuño de 1773 e finado en Londres o 10 de maio de 1829, foi un científico inglés, que destacou nos campos da física e a lingüística.

Thomas Young

Biografía
Nacemento	13 de xuño de 1773 Milverton, Reino Unido (en)
Morte	10 de maio de 1829 (55 anos) Londres, Reino Unido
Residencia	48, Welbeck Street W1 (en)
Relixión	Sociedade Relixiosa dos Amigos
Educación	Universidade de Edimburgo St George's, University of London (en) Universidade de Gotinga Emmanuel College (pt) Q3152720
Actividade
Campo de traballo	Física, mecánica, lingüística e ciencia dos materiais
Ocupación	astrónomo, exiptólogo, entomólogo, músico, lingüista, filósofo, fisiólogo, arqueólogo, físico, profesor universitario, antropólogo, médico, botánico
Empregador	Royal Society
Membro de	Accademia delle Scienze di Torino (1827–) Royal Society (1794–) Real Academia de Artes e Ciencias dos Países Baixos Real Academia das Ciencias de Suecia Academia francesa das ciencias Academia das Artes e das Ciencias dos Estados Unidos
Obra
Obras destacables módulo de Young (1801) experimento da dobre fenda
Abreviación dun autor en botánica	Young
Familia
Cónxuxe	Eliza Maxwell
Pais	Thomas Young   e Sarah Davies
Cronoloxía
1801	Experimento de Young
Premios
(1808)  Croonian Medal and Lecture (1803, 1801, 1800)  Royal Society Bakerian Medal (en)  Membro da Academia Estadounidense das Artes e as Ciencias  membro da Royal Society  Royal Society Bakerian Medal (en)
Sinatura
Descrito pola fonte	Grande Enciclopedia Soviética 1969-1978, (sec:Юнг Томас) Dicionario Enciclopédico Brockhaus e Efron Dictionary of National Biography

Traxectoria

Foi o máis novo dos dez fillos dunha familia de cuáqueros. Á idade de catorce anos comezou estudos de grego e latín e posteriormente chegou a dominar o francés, o italiano, o hebreo, o caldeo, o siríaco, o árabe, o persa, o turco e o amhárico. Comezou estudos de medicina en Londres en 1792, mudándose pouco despois a Edimburgo (1794) e a Göttingen (1795) onde obtivo o grao de doutor en física en 1796. Entre 1801 e 1803 foi profesor de física na Royal Institution, pero renunciou a este cargo para que as tarefas docentes non interferisen coa súa actividade médica. O 1802, foi nomeado secretario externo da Royal Society, institución da que o elixiran fellow en 1794.Morreu en Londres o 10 de maio de 1829.

Obra científica

Mathematical elements of natural philosophy, 2002

Como físico

Durande os seus anos como profesor da Royal Institution realizou 91 conferencias sobre moi diversos temas. Estas conferencias foron publicadas en 1807 co título Course of Lectures on Natural Philosophy e contiñan un bo número de anticipacións de teorías que Young había desenvolver con posterioridade.

Young é coñecido polas súas experiencias de interferencia e difracción da luz, demostrando a natureza ondulatoria desta. En 1801 fixo pasar un raio de luz a través de dúas fendas paralelas sobre unha pantalla, que xeraron un patrón de bandas claras e escuras e non simplemente dúas raias claras, o que demostraba a natureza ondulatoria da luz (ver «experimento da dobre fenda»). Young tamén realizou estudos de materiais, propoñendo unha medida da rixidez de diferentes materiais coñecida hoxe como módulo de Young. Foi tamén o fundador da óptica fisiolóxica: en 1793 va explicou a maneira na que o ollo acomoda a vista a diferentes distancias segundo o grao de curvatura do cristalino e en 1801 describiu o defecto óptico coñecido como astigmatismo.

Como lingüista

Nun campo de investigación completamente diferente, Young foi un dos primeiros investigadores en traballar no desciframento dos xeroglíficos exipcios. En 1814 traducira por completo o texto en demótico da pedra de Rosetta e poucos anos máis tarde avanzara bastante no coñecemento do alfabeto xeroglífico. En 1823 publicou unha obra sobre os seus descubrimentos en materia de escritura e cultura exípcias. Malia ter dado Young pasos moi importantes non deu determinado o valor dobre de moitos símbolos (á vez como ideograma e como fonograma), que pouco despois conseguiría Jean-François Champollion. Algunhas das conclusións de Young apareceron tamén no artigo sobre Exipto que escribiu en 1818 para l'Encyclopædia Britannica.