Área metropolitana de Barcelona

Para outras páxinas con títulos homónimos véxase: Barcelona (homónimos).

A Área metropolitana de Barcelona (AMB) está integrada por tres organismos territoriais de xestión. En conxunto ofrecen servizos a 36 municipios cunha poboación de 3 150 380 habitantes (INE, 2007) nunha extensión de 633 km² e unha densidade de 4 977 hab/km².

É o núcleo central da Rexión urbana de Barcelona, que conta cunha poboación de 4.856.579 habitantes cunha densidade de poboación de 1.496 hab/km².Autoritat do Transport Metropolità: Ámbito do Sistema Tarifario Integrado

Esta constituída por:

Mancomunitat de Municipis: intégrana 31 municipios. Xestiona as áreas comúns que afectan a: espazos públicos, infraestruturas e vialidade, equipamentos, urbanismo e vivenda. Conta con 3 029 389 habitantes e unha extensión de 495 km². Vistos os servizos que ofrece podería considerarse como a área metropolitana xenuína de Barcelona.
Entitat do Transport: intégrana 18 municipios. Dá servizo a unha poboación de 2.790.803 habitantes nunha extensión de 332 km². Son os que forman un estrito continuo urbano coa capital. Creada para xestionar de forma conxunta os servizos de transporte público de viaxeiros no seu ámbito territorial.
Entitat do Medi Ambient^{[Ligazón morta]}: intégrana 33 municipios. Dá servizo a unha poboación de 3.121.795 habitantes nunha extensión de 583 km². Encargada de xestionar os servizos hidráulicos e o tratamento de residuos.

Xeografía

A área metropolitana de Barcelona atópase na costa central catalá e ao redor do seu capital. Pódense diferenciar dúas zonas:

A zona limítrofe e que forma un continuo urbano coa cidade: está delimitada polo Mar Mediterráneo e a Serra de Collserola. Nela atópanse algunhas cidades, como Badalona, Santa Coloma de Gramenet, L'Hospitalet de Llobregat, Esplugues de Llobregat ou Cornellà de Llobregat. Aquí a fronteira entre municipios son rúas, avenidas ou ben as canles dos ríos Llobregat e Besòs.
A zona metropolitana adxacente: aquí hai diferentes núcleos de poboación nos que predominan barrios residenciais de casas unifamiliares, industrias, bosques... Nesta zona atópanse cidades como Cerdanyola del Vallès, Sant Vicenç dels Horts ou Sant Cugat del Vallès.

Municipios da área metropolitana

Cidade	Comarca	Organismos	Habitantes	Area en km²	Densidade	Distancia Barcelona
Barcelona	Barcelonès	MM/ET/EMA	1.595.110	101	15.951	---
L'Hospitalet de Llobregat	Barcelonès	MM/ET/EMA	251.848	12	20.987	limítrofe
Badalona	Barcelonès	MM/ET/EMA	216.201	22	10.295	10,8
Santa Coloma de Gramenet	Barcelonès	MM/ET/EMA	116.765	7	16.681	limítrofe
Cornellà de Llobregat	Baix Llobregat	MM/ET/EMA	84.477	7	12.068	10
Sant Boi de Llobregat	Baix Llobregat	MM/ET/EMA	80.727	22	3.669	11,5
Sant Cugat del Vallès	Vallès Occidental	EMA	74.345	48	1.517	10
El Prat de Llobregat	Baix Llobregat	MM/ET/EMA	62.663	31	2.021	limítrofe
Viladecans	Baix Llobregat	MM/ET/EMA	61.718	20	3.086	21,8
Castelldefels	Baix Llobregat	MM/ET/EMA	58.955	13	4.535	27,7
Cerdanyola del Vallès	Vallès Occidental	MM/EMA	57.758	32	1.925	17,7
Esplugues de Llobregat	Baix Llobregat	MM/ET/EMA	46.286	5	9.257	limítrofe
Gavà	Baix Llobregat	MM/ET/EMA	44.678	31	1.489	23,1
Sant Feliu de Llobregat	Baix Llobregat	MM/ET/EMA	42.273	12	3.523	16
Ripollet	Vallès Occidental	MM/EMA	35.661	4	8.915	18
Sant Adrià de Besòs	Barcelonès	MM/ET/EMA	32.734	4	8.184	limítrofe
Montcada i Reixac	Vallès Occidental	MM/ET/EMA	32.111	23	1.396	limítrofe
Sant Joan Despí	Baix Llobregat	MM/ET/EMA	31.671	6	5.279	13,8
Barberà del Vallès	Vallès Occidental	EMA	29.208	8	3.651	15
Sant Vicenç dels Horts	Baix Llobregat	MM/EMA	27.106	9	3.012	16,9
Sant Andreu de la Barca	Baix Llobregat	MM/ET/EMA	25.743	6	4.291	19
Molins de Rei	Baix Llobregat	MM/EMA	23.54	16	1.472	12,9
Sant Just Desvern	Baix Llobregat	MM/ET/EMA	15.391	8	1.924	limítrofe
Badia del Vallès	Vallès Occidental	MM/EMA	13.975	1	13.975	20
Corbera de Llobregat	Baix Llobregat	MM	13.133	18	691	25,4
Castellbisbal	Vallès Occidental	EMA	11.540	31	372	22
Pallejà	Baix Llobregat	MM/EMA	10.819	8	1.352	17
Montgat	Maresme	MM/ET/EMA	9.778	3	3.259	14
Cervelló	Baix Llobregat	MM	7.944	22	331	20
Santa Coloma de Cervelló	Baix Llobregat	MM	7.508	7	1.073	18
Tiana	Maresme	MM/ET/EMA	7.417	8	927	15
Begues	Baix Llobregat	EMA	5.898	50	118	20
Torrelles de Llobregat	Baix Llobregat	MM/EMA	4.974	14	355	21
El Papiol	Baix Llobregat	MM/EMA	3.781	9	420	15
Sant Climent de Llobregat	Baix Llobregat	MM/EMA	3.631	11	330	19
la Palma de Cervelló	Baix Llobregat	MM/EMA	3.009	5	602	21
Total			3.150.380	633	4.977

Grandes proxectos metropolitanos

Aeroporto

O Aeroporto de Barcelona atópase en plena [1]^{[Ligazón morta]} ampliación e remodelación. Xa se puxo en servizo a terceira pista e entrou en funcionamento a nova torre de control. A [2]^{[Ligazón morta]} Terminal Sur espérase que entre en servizo durante o ano 2008. Estase traballando á súa vez na nova cidade aeroportuaria, a nova terminal de carga, así como nos novos viarios de conexión e nas infraestruturas ferroviarias que o conectarán con Barcelona. O aeroporto, que no ano 2006 superou os 30 millóns de pasaxeiros, poderá asumir un tráfico de 55 millóns de pasaxeiros ao ano unha vez as obras finalicen. Será como unha [3]^{[Ligazón morta]} cidade de 40.000 habitantes que atenderá directamente a máis de 150.000 pasaxeiros ao día, 80.000 deles na nova Terminal Sur.

Porto

Unha vez acabada a súa ampliación^{[Ligazón morta]} en 2011 dobraría tanto a súa superficie como as súas infraestruturas, o que á súa vez permitirá duplicar o tráfico de mercancías. Un dos seus principais atractivos será a intermodalidade a través dos novos accesos viarios e ferroviarios, a chegada do ancho de vía europeo e a proximidade ao aeroporto (3 km). A pesar de que a primeira pedra da ampliación colocouse no 2001, co obxecto de desviar a canle do río Llobregat 3 km cara ao sur, o colosal tamaño da infraestrutura supón que o estado das obras^{[Ligazón morta]} aínda diste do aspecto que terá á súa finalización.

Distrito económico Gran Vía

Entre os municipios de Barcelona e L'Hospitalet de Llobregat estase levantando a que será a terceira operación máis relevante de Cataluña en teito edificable (1,5 millóns de m2). O investimento previsto rolda os 1 800 millóns de euros e proporcionará traballo a 30 000 persoas. Nesa contorna atravesada pola Gran Vía, que será soterrada en parte (700 metros) e deprimida o resto (2 000 metros), situaranse:

O Hotel Hesperia Tower, o segundo máis alto de Barcelona (xa en funcionamento)
A cidade xudicial^{[Ligazón morta]} máis grande do mundo, deseñada por David Chipperfield. Terá 11 edificios de vidro reflector de entre 40 e 72 metros de altura
O segundo recinto feiral máis grande de Europa, Fira Gran Vía M2^{[Ligazón morta]}, que se atopa a 2,5 km do actual recinto feiral de Montjuïc e que consolida a grande expansión de Feira de Barcelona
A Praza de Europa, un centro direccional de 335.000 m2 de teito na que se levantarán 17 edificios de entre 15 e 20 plantas.

Sincrotrón

O sincrotrón Arquivado 28 de marzo de 2006 en Wayback Machine. de Cerdanyola del Vallès é a maior instalación científica que se porá en marcha en España nos próximos anos, que empezará a funcionar en 2009. Os sincrotróns son aceleradores de partículas que producen unha luz moi pura, capaz de penetrar na materia, polo que son unha ferramenta fundamental na análise de moléculas. Teñen aplicacións en ámbitos como bioloxía, enxeñería, biotecnoloxía e nanotecnoloxía. Os gobernos central e autonómico asinaron un convenio en marzo de 2005 no que se comprometen a asumir a partes iguais o custo da operación, que será de 170 millóns de euros. As obras deron comezo en outubro do 2006.

Parc de Recerca Biomèdica

O prbb, Parque de Investigación Biomédica de Barcelona é unha infraestrutura científica en plena fase de equipamento e posta en marcha dos 80 grupos de investigación independentes, integrados por máis de 1.000 persoas, aos que acollerá cando estea a pleno rendemento, durante o ano 2007. Será centro especializado en:

Informática biomédica e bioloxía de sistemas
Regulación xénica e epixenética
Bioloxía celular e desenvolvemento
Farmacoloxía e Patofisioloxía clínica
Xenética humana e bioloxía da evolución
Epidemioloxía e saúde pública

O prbb, que foi financiado pola Unión Europea, xerará coñecementos de alto nivel para descifrar a base xenética e molecular da vida e axudar a solucionar os problemas de saúde emerxentes. A sorprendente concentración de investigadores de alto nivel, que traballaron nos mellores centros internacionais, está atraendo constantemente novos talentos do ámbito científico de todo o mundo.

Fronte marítima

Para o ano 2008, Barcelona [4], Sant Adrià de Besòs [5] e Badalona [6] rexenerarían e transformado toda a súa fronte marítima. transcorrerían 20 anos desde que as escavadoras empezasen a derruír a barreira industrial que separaba a cidade do mar. Os Xogos Olímpicos de 1992 deron ese primeiro impulso. E 10 anos máis tarde foi o Fórum Universal das Culturas 2004 o que ofreceu outro impulso transformador. Finalmente, xa son moi poucas as obras pendentes, todas xa en execución. Recuperáronse para uso e goce de cidadáns e turistas 10 quilómetros de praias; construíronse 4 portos deportivos, o zoo mariño e un bo número de parques e instalacións deportivas ao longo da fronte marítima.

AVE

O 20 de febreiro de 2008, un día antes do inicio da campaña electoral para as eleccións xerais españolas, púxose en circulación o primeiro tren AVE comercial para pasaxeiros (liña Madrid-Guadalaxara-Calatayud-Zaragoza-Lleida-Tarragona-Barcelona) con destino final na Estació de Sants. A cidade contará con dúas grandes estacións intermodais interconectadas a través dun túnel subterráneo que cruzará a cidade: a Estación de Sants^{[Ligazón morta]}, actualmente en remodelación e que absorberá o tráfico da Península, e a Estación da Sagrera(estación da Sagrera), que fará o propio co tráfico europeo. Parece que existe un sólido compromiso entre Adif e as institucións implicadas para que a conexión coa fronteira francesa e Perpiñan sexa unha realidade no 2009.

Liña Orbital Ferroviaria

A nova Liña Orbital Ferroviaria^{[Ligazón morta]} é unha actuación estratéxica que ten como obxectivo potenciar o transporte ferroviario rompendo a radialidade comunicativa na rexión metropolitana que ten como eixo a cidade de Barcelona e contribuír á vertebración do territorio. De acordo co trazado proposto, a nova liña contará cun total de 106 quilómetros, dos cales 51 xa son operativos. Unirá 25 estacións entre Vilanova i la Geltrú e Mataró, 17 das cales xa están construídas.

Liña 9 do Metro

A ^[Ligazón morta liña 9 do Metro de Barcelona será a máis longa de Europa con 46.6 quilómetros e 51 estacións, 15 delas intermodais. Todas as estacións estarán adaptadas para as persoas con problemas de mobilidade. Os tramos desdobrados nos seus extremos está previsto que entren en servizo no 2008 e o resto da liña cara ao 2013. Cando estea a pleno rendemento espérase que dea servizo a 90 millóns de viaxeiros durante o primeiro ano de funcionamento, conectando os municipios de Badalona, Santa Coloma de Gramenet, Barcelona, L'Hospitalet de Llobregat e El Prat de Llobregat. Terá unha estación en cada unha das dúas terminais do Aeroporto de Barcelona.

Véxase tamén

Outros artigos

Ligazóns externas

Àrea Metropolitana de Barcelona Arquivado 09 de agosto de 2013 en Wayback Machine.
^[Ligazón morta Plan do delta]^{[Ligazón morta]}