Dinastía Hohenzollern

A dinastía Hohenzollern é unha familia de gobernantes alemáns que tivo a súa orixe nunha familia de condes de Suabia, nos séculos XI ou XII.

O seu nome deriva de Zollern, un castelo do século XIII que a familia posuía cerca de Stuttgart.

Historia

A dinastía foi fundada en 1191 por Frederico I, conde de Zollern.

Membros desta dinastía formaron parte dos electores do Sacro Imperio Romano Xermánico a partir do século XV.

Desde 1700 construíron unha serie de palacios en Berlín e os seus arredores, tras alcanzar a súa consolidación, encarnada no poderío de Prusia.

Con Frederico II o Grande empezou Prusia a aumentar o seu poderío dentro dos Estados alemáns, que se viu consolidado pola figura de Guillerme I de Alemaña, que foi o artífice da creación do Segundo Reich tras a vitoria na Guerra franco-prusiana.

Co fin da primeira guerra mundial terminou tamén o poder da dinastía ao abdicar o káiser Guillerme II.

Os últimos gobernantes da dinastía foron:

Guillerme II de Alemaña, destituído en 1918, no curso da Revolución de novembro, despois da primeira guerra mundial, e
Miguel I de Romanía, destituído en 1947, despois da segunda guerra mundial, cando Romanía se declara un estado socialista (a República Socialista de Romanía).

Actualmente Xurxo Frederico, Príncipe Real de Prusia, Príncipe Imperial de Alemaña, é o Xefe da Casa Real e Imperial de Prusia e de Alemaña desde 1994, aínda que non ocupa trono ningún.

Títulos ostentados por membros da dinastía

Emperador de Alemaña
Rei de Prusia
Rei de Romanía
Príncipe de Hohenzollern-Hechingen
Príncipe de Hohenzollern-Sigmaringen
Príncipe de Neuchâtel
Duque de Prusia
Conde de Zollern
Conde de Hohenzollern
Conde de Hohenzollern-Haigerloch
Conde de Hohenzollern-Hechingen
Margrave Elector de Brandeburgo
Burgrave de Núremberg
Margrave de Ansbach

Ramas menores

Véxase tamén

Outros artigos

Dinastía Hohenzollern

Ligazóns externas

Preussen.de — Sitio web oficial da Dinastía Hohenzollern (en alemán), (en inglés)