Iberia Líneas Aéreas de España
 | Atención: Este artigo ou apartado precisa dun traballo de revisión.
Cando os problemas se resolvan, retire esta mensaxe, pero non quite esta mensaxe ata que estea todo solucionado. De ser posible, sería mellor substituír este marcador por outro máis específico. (Desde xullo de 2018) |
| Iberia Líneas Aéreas de España | |
|---|---|
 | |
 | |
| Tipo | Aeroliña |
| Data de fundación | 1927 |
| Nomeado en referencia a | Iberia |
| Presidente/a | Javier Sánchez-Prieto (en)  (2020-)  |
| Director/a | Antonio Vázquez Romero |
| Organización matriz | International Airlines Group |
| Organización subsidiaria | Aviaco, Clickair e Iberia Express |
| Sede | Madrid |
| Enderezo | C/ Martínez Villergas, 49 28027 Madrid e calle Velázquez nº 130, 28006 Madrid |
| País | España |
| Na rede | |
| https://www.iberia.com/ | |
  | |
| [ editar datos en Wikidata ] | |
_01.jpg)
Iberia é unha aeroliña española (o seu nome oficial é Iberia Líneas Aéreas de España, S.A., Operadora Unipersonal.[1]). É unha das compañías aéreas máis antigas do mundo e está entre as cinco compañías aéreas máis grandes de Europa.
Historia
[editar | editar a fonte]Fundación
[editar | editar a fonte]Iberia foi fundada o 28 de xuño de 1927 por Horacio Echeberrieta. O 14 de decembro dese mesmo ano realizou o seu primeiro voo. Estaba previsto que fose entre Madrid e Barcelona, con Afonso XIII a bordo, pero dúas horas antes engalara outro avión de Barcelona a Madrid coa intención de que o rei vise a súa aterraxe no aeroporto de Carabanchel (actual Cuatro Vientos)[2].
Iberia iniciou a súa actividade comercial con tres avións Rohrbach R-VIII Roland, uns trimotores con capacidade para dez pasaxeiros que viaxaban en asentos de vimbio, dous tripulantes, equipaxe e carga, dotados de lavabo e cunha velocidade punta de 205 km/h.
Nos primeiros anos comezan a establecerse as primeiras rutas entre cidades da península, as illas Canarias e algunhas cidades da costa do norte de África.
En 1929 Iberia foi forzada a ceder as súas rutas e avións á acabada de crear CLASSA, a instancias do ditame do Directorio Militar para formar un monopolio cunha soa compañía que agrupara todas as existentes por entón en España. Iberia retería parte do accionariado de CLASSA. Tras a proclamación da Segunda República Española, CLASSA foi disolta e creouse así LAPE, que absorbeu todas as rutas e bens de CLASSA. Todos os accionistas de CLASSA recibiron unha indemnización por iso. Durante todos os anos de existencia de CLASSA e LAPE, Iberia foi unha sociedade dormente sen actividade real, pero pese a iso, presentaba anualmente o seu balance de contas no rexistro mercantil.
Rutas internacionais
[editar | editar a fonte]En 1939 Iberia fixo o primeiro voo entre Madrid e Lisboa, comezando a realizar voos internacionais que ampliaría a comezos dos anos 40 incorporando á lista cidades como Londres, París ou Roma en Europa e Buenos Aires e Montevideo no continente americano. Convértese así na primeira compañía que establece, despois da guerra, un servizo aéreo entre Europa e América do Sur.
Na década dos 50 Iberia supera a cifra do medio millón de pasaxeiros, introdúcese no mercado do Atlántico Norte e o 3 de agosto de 1954 (aniversario da saída de Colón de Palos) inaugúrase a liña Madrid-Nova York con tres avións Super Constellation, bautizados cos nomes das carabelas de Colón: Pinta, Niña e Santa María.
Os primeiros reactores
[editar | editar a fonte]O 29 de maio de 1961 celébrase en California a entrega dos tres primeiros reactores da historia de Iberia, os DC-8, que serían bautizados "Velázquez", "El Greco" e "Goya". Este modelo de avión era considerado "o rei das longas distancias": Nova York, Caracas, San Xoán de Porto Rico, México, A Habana e Buenos Aires eran os seus destinos.
O 22 de outubro chega ao aeroporto de Madrid-Barajas o primeiro Boeing 747, coñecido popularmente como Jumbo. Este foi bautizado co nome de "Cervantes".
Nos anos 70 establécense novas rutas a destinos como Istambul, Atenas, Varsovia, Budapest ou Kuwait. No mes de novembro de 1974 establécese a primeira Ponte Aérea de Europa, entre as cidades de Madrid e Barcelona como resposta á elevada concentración de pasaxeiros.
O 20 de xuño de 1987 Iberia, Air France, Lufthansa e SAS crean Amadeus, un sistema global de reservas informatizadas. Este proporciona a miles de axencias de viaxe e oficinas de venda de pasaxes información de horarios, dispoñibilidade de prazas e prezos de billetes de avión de distintas compañías aéreas; tamén facilita a reserva, compra e emisión dos billetes, entre outros servizos.
Modernización da frota
[editar | editar a fonte]Entre finais dos anos 80 e principios dos 90, Iberia moderniza a súa frota, os novos McDonnell Douglas MD-87, Airbus A320 e A340 e os Boeing 757 substituirían aos antigos Douglas DC-9, DC-10 e Boeing 727.
En 1991 creou o primeiro programa de fidelización de clientes nunha liña aérea: Iberia Plus. En 1992, Iberia é a aeroliña oficial dos Xogos Olímpicos de Barcelona e da Exposición Universal de Sevilla. En 1996 creou a súa páxina web (www.iberia.com).
Absorbeu Aviaco (Aviación y Comercio, S.A), xunto coa súa frota en 1999 e nese mesmo ano pasou a formar parte da alianza de aeroliñas Oneworld, xunto con British Airways e American Airlines entre outras.
Durante o ano 2001 Iberia foi privatizada e as accións comezaron a cotizar na bolsa de valores. Cara 2002, cando Iberia celebrou o seu 75 aniversario, levaba transportadas a preto de 500 millóns de pasaxeiros.
O 5 de febreiro de 2006 entregouse a nova Terminal 4 do aeroporto de Barajas a Iberia e aos membros da alianza Oneworld.
Frota
[editar | editar a fonte]Frota actual
[editar | editar a fonte]Iberia
[editar | editar a fonte]_-_Iberia_-_EC-FHK_-_LEMD_-_200503051645.jpg)
En xuño do ano 2018 a frota de Iberia estaba formada polos seguintes avións:[3]
| Avión | En servizo[4][5] | Orders[6] | Pasaxeiros | Notas | ||
|---|---|---|---|---|---|---|
| P | Y | Total | ||||
| Airbus A319-100 | 15 | – | var 14 |
var 108 |
141 122 |
|
| Airbus A320-200 | 16 | – | var | var | 171 | |
| Airbus A320neo | 2 | 14 | TBA | |||
| Airbus A321-200 | 11 | – | var | var | 200 | |
| Airbus A321neo | - | 4 | TBA | |||
| Airbus A330-200 | 15 | – | 19 | 269 | 288 | Dous operados por Level.[7] |
| Airbus A330-300 | 8 | – | 36 | 242 | 278 | |
| Airbus A340-600 | 17 | – | 42 46 |
300 300 |
342 346 |
Os máis vellos van ser substituídos por A330 e A350.[8] |
| Airbus A350-900 | 1 | 15 [6] | TBA | |||
| Total | 85 | 40 | ||||
Air Nostrum (Iberia Rexional)
[editar | editar a fonte]A frota de Air Nostrum en febreiro de 2011 estaba composta por 66 aeronaves, cunha idade media de 9,1 anos[9].
| Avión | Total | Pasaxeiros |
|---|---|---|
| ATR 72 | ||
| Canadair CRJ-200 | ||
| Canadair CRJ-1000 | ||
| Canadair CRJ-900 |
Frota histórica[10]
[editar | editar a fonte]De 1927 ata 1945
[editar | editar a fonte]- Rohrbach Ro-VIII Roland (1927-1929)
- Junkers G 24 (1929-1936)
- Bréguet 26T Limousine (1929-1936)
- Savoia Marchetti S-62P (1930-1934)
- Ford 4-AT (1930-1946)
- de Havilland DH 89A Dragon Rapide (1934-1953)
- Dornier J Wal (1935-1936)
- Douglas DC-2 (1935-1946)
- Junkers Ju 52 (1937-1957)
- Douglas DC-1 (1938-1940)
- de Havilland DH.90 Dragonfly (1941-1948)
- Douglas DC-3 (1944-1973)
De 1946 a 1965
[editar | editar a fonte]- Douglas DC-4 Skymaster (1946-1968)
- Airspeed AS-65 Consul (1948-1964)
- Bristol 170 Freighter Mk 21 (1948-1959)
- Stinson 108-3 Voyager (1950-1970)
- Bloch 161 Languedoc (1952-1960)
- Bristol 170 Freighter Mk 31 (1953-1963)
- Lockheed L-1049 Super Constellation (1954-1966)
- Convair 440 Metropolitan (1957-1972)
- de Havilland DH 114 Heron-2 (1957-1964)
- ATL 98 Carvair (1964-1966)
De 1961 a 2020 (era dos reactores)
[editar | editar a fonte]- Douglas DC-8 (1961-1982)
- SE 210 Caravelle VI R (1962-1977)
- SE 210 Caravelle 10R (1966-1987)
- Douglas DC-8 Serie 63 (1968-1984)
- Douglas DC-9 (1967-2001)
- Fokker F27 Friendship (1970-1975)
- Douglas DC-10 (1973-2000)
- Boeing 727 (1972-2001)
- Boeing 747 (1970-2006)
- McDonnell Douglas MD-87 (1990-2008)
- Boeing 757 (1993-2008)
- McDonnell Douglas MD-88 (1991-2008)
- Airbus A300 (1979-2002)
- Airbus A340-300 e A340-600 (1998-2020)
Destinos
[editar | editar a fonte]- Artigo principal: Destinos de Iberia.
O Grupo Iberia «opera 94 destinos en 36 países diferentes, aos que hai que engadir 223 adicionais en 49 países grazas a acordos de código compartido con outras compañías aéreas».
Acordos de código compartido
[editar | editar a fonte]Iberia ten asinados acordos de voo con código compartido coas seguintes aeroliñas (* indica pertenenza á alianza Oneworld ou é unha filial súa):
Notas
[editar | editar a fonte]- ↑ "Información Legal". Iberia (en castelán). 31 de xaneiro de 2017. Consultado o 2020-12-22.
- ↑ ABC - Así echó a volar Iberia... hace 80 años (en castelán)
- ↑ "Orders and Deliveries". Airbus. Archived from the original on 08 de xullo de 2018. Consultado o 24 de xullo de 2018.
- ↑ Fleet Iberia en airfleets.com
- ↑ Frota de Iberia
- ↑ 6,0 6,1 Listados oficiais de Airbus con aeronaves encargadas, entregadas e operadas en airbus.com
- ↑ "IAG brands new long-haul A330 budget carrier 'Level'". Flight Global. Consultado o 24 de xullo de 2018.
- ↑ "Iberia compra A350 y más A330". Flynews. Consultado o 24 de xullo de 2018.
- ↑ "Copia arquivada". Arquivado dende o orixinal o 02 de outubro de 2013. Consultado o 28 de febreiro de 2011.
- ↑ Iberia. "Iberia - Flota histórica". grupo.iberia.es (en castelán). Consultado o 2020-12-06.
