Տորոնտո

Տորոնտո
Քաղաք
	Տորոնտո
	Toronto
Դրոշ	Զինանշան
Երկիր	Կանադա
Նահանգ	Օնտարիո
Համայնք	Օնտարիո
Քաղաքապետ	Ջոն Թորի
Հիմնադրված է	Օգոստոսի 27, 1793 (որպես Յորք) թ.
Մակերես	630 կմ²
ԲԾՄ	76±1 մետր
Պաշտոնական լեզու	Անգլերեն
Բնակչություն	2 615 060 մարդ (2011)
Ագլոմերացիա	6 054 191
Տեղաբնականուն	Տորոնտացի
Ժամային գոտի	UTC-4, ամառը UTC-3
Հեռախոսային կոդ	416 և 647
Փոստային դասիչ	M
Պաշտոնական կայք	toronto.ca
	Տորոնտո (Կանադա)
	Տորոնտո (Կանադա)
	Տորոնտո Վիքիպահեստում

Տորոնտո (անգլ.՝ Toronto), քաղաք Կանադայի Օնտարիո նահանգում։ Երկրի ամենամեծ քաղաքն է, ինչպես նաև Օնտարիո նահանգի վարչական կենտրոնը։ Գտնվում է Հարավային Օնտարիոյում՝ Օնտարիո լճի հյուսիսարևմտյան ափին։ 2011 թվականին կատարված մարդահամարի տվյալներով՝ Տորոնտոյի բնակչությունը կազմում է 2 615 060 մարդ։ Հանդիսանում է առավել ոչ միատարր բնակավայրերից. բնակչության 49%-ը ծնվել է Կանադայից դուրս։ Միսիսոգա, Բրեմթոն և Մարքեմ քաղաքների հետ Տորոնտոն ձևավորում է Մեծ Տորոնտոյի քաղաքային ագլոմերացիան (Greater Toronto Area, կրճատ՝ GTA)` 6 054 191 ընդհանուր բնակչությամբ (2011)։

Տորոնտոն համարվում է «Ոսկե պայտ» կոչվող պայմանական տարածաշրջանի մաս, որտեղ կենտրոնացված է երկրի հիմնական բնակչությունը։ Կանադայի ընդհանուր բնակչության մոտ մեկ երրորդը բնակվում է Տորոնտոյից 500 կմ շառավղի վրա։

Քաղաքը հարուստ է բազմաթիվ պատկերասրահներով և թանգարաններով։

Կանադայի «տնտեսական շարժիչն» է, որտեղ կենտրոնացված են բազմաթիվ ձեռնարկություններ։ «The Economist» պարբերականը 2011 թվականին Տորոնտոյին ներկայացրել էր որպես 4-րդ առավել բարձր կենսամակարդակ ունեցող քաղաք^[1] Տորոնտոյում է գտնվում Տորոնտոյի ֆոնդային բորսան, ինչպես նաև երկրի առաջատար բանկային կազմակերպությունների զգալի մասը^[2]։

Ունի հինգ բարձրագույն լիգաների սպորտային ակումբներ՝ «Տորոնտո Մեյփլ Լիֆս» (հոկեյ), «Տորոնտո Բլու Ջեյս» (բեյսբոլ), «Տորոնտո Ռեպտորս» (բասկետբոլ), «Տորոնտո Արգոնավթս» (կանադական ֆուտբոլ) և «Տորոնտո ՖԱ» (ֆուտբոլ)։

Անվանում

Հիմնադրել են անգլիացիները 1793 թվականին որպես ամրացված ավան՝ Տորոնտո «հավաքավայր» հնդկացիական գյուղի տեղում, և ի պատիվ Յորքի դքսի անվանել Յորք։ 1834 թվականին դասվել է քաղաքների կարգը՝ Տորոնտո անունով^[3]։

Ծանոթագրություններ

↑ Տորոնտոն հայտնվել է «Մեծ քսանյակի» մեջ
↑ http://www.fraserinstitute.org/WorkArea/DownloadAsset.aspx?id=2520
↑ Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս».

Արտաքին հղումներ

Վիքիպահեստն ունի նյութեր, որոնք վերաբերում են «Տորոնտո» հոդվածին։

[1] Տորոնտոն հայտնվել է «Մեծ քսանյակի» մեջ

[2] ttps://www.fraserinstitute.org/WorkArea/DownloadAsset.aspx?id=2520

[3] Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս».

[1]

[2]

[3]