Հովհաննես Այվազյան
Հովհաննես Մնացականի Այվազյան (ծ. 1947, նոյեմբերի 7) — հայ քիմիկոս, հրատարակիչ, խմբագիր, քիմիական գիտությունների դոկտոր (1998), Ֆրիտյոֆ Նանսեն միջազգային հիմնադրամի ոսկե մեդալակիր (2002)։
Ծնվել է Փոքր Խանչալի (այժմ` Վրաստանի Նինոծմինդայի շրջանում)։ Ավարտել է Երևանի պոլիտեխնիկական ինստիտուտի քիմիա-տեխնոլոգիական ֆակուլտետը (1971)։ 1972-74-ին աշխատել է ՀԽՍՀ ԳԱ Գորիսի ֆիզ-տեխնիկական կենտրոնում, 1974-79-ին` Փորձարարական կենսաբանության ինստիտուտում, 1979-99-ին` Հայկական հանրագիտարանի գլխավոր խմբագրի տեղակալ, 1999-ից` «հայկական հանրագիտարան. հրատարակչության» գլխավոր խմբագիր-տնօրեն։
Աշխատանքները վերաբերում են հայկական քիմիական անվանակարգության խնդիրներին, հայ ազգային-ազատագրական պայքարին` Առաջին համաշխարհայաին և Արցախյան պատերազմի տարիներին։
«Ջավախք» հայրենակցական բարեգործական միության (1994-ից), այդ միության «Ասպնջակ» պաշտոնական թերթի խմբագրական խորհրդի (2001-ից) նախագահ։[1]
Երկեր
- Հայկական քիմիական անվանակարգության բարեփոխման հիմնախնդիրները, Ե., 1998 (համահեղինակ)։
- Հաղթանակած բանակի գեներալը, Ե., 2001։
- Զորավար Անդրանիկ և Հովհաննես Թումանյան, Ե., 2004։
- Աշխարհի յոթ հրաշալիքներ և... Հայաստան, Ե., 2005։
Աղբյուրներ
- ↑ Ով ով է. Հայեր. Կենսագրական հանրագիտարան, հատոր առաջին. Երևան: ՀՀ ԳԱԱ, Հայկական հանրագիտարան հրատարակչություն. 2005. էջ էջ 89-91.