Չորում

Բնակավայր
Չորում
Երկիր	Թուրքիա
Համայնք	Չորումի մարզ
ԲԾՄ	801 մետր
Բնակչություն	▲269 595 մարդ (2022)
Ժամային գոտի	UTC+3
Պաշտոնական կայք	corum.bel.tr​(թուրքերեն)
Չորում (Թուրքիա)
Չորում Վիքիպահեստում

Չորում (թուրքերեն՝ Çorum), քաղաք և շրջան Թուրքիայի հյուսիսային մասում, Չորումի մարզկենտրոն։ Գտնվում է Սև ծովից մոտ 130 կմ հեռավորության վրա։ Չորումը գտնվում է Անկարայից 244 կմ, իսկ Ստամբուլից` 608 կմ հեռավորության վրա։ 2004 թվականի տվյալներով քաղաքի բնակչությունը կազմում է 178,500 մարդ։ Բնակչության մեծամասնությունը թուրքեր են։ Գտնվում է մոտ 820 մետր ծովի մակարդակից բարձր։ Ժամանակին Չորումում մեծ քանակությամբ հայեր են բնակվել։

Աշխարհագրություն

Չորումը գտնվում է Անատոլիական սարահարթում, Սև ծովից մոտ 130 կմ դեպի հարավ։ Կլիման խիստ մայրցամաքային է։ Ամառը երկար և շոգ է, իսկ ձմեռը` ցուրտ և ձնառատ։

Պատմություն

Հնում Չորումի վիլայեթի տարածքը մտնում էր Խեթական թագավորության կազմի մեջ,իսկ հենց վիլայեթի տարածում էր գտնվում խեթերի մայրաքաղաք Հատտուսան։ Չորումը մի որոշ ժամանակ մտել է Ուրարտուի կազմի մեջ։

Երկար ժամանակ վիլայեթի տարածքը պատկանել է մեկ Հռոմեական կայսրությանը, մեկ Բյուզանդական կայսրությանը։ XI դարի վերջից սկսած Փոքր Ասիան մաս առ մաս մտնում է սելջուկների տիրապետության տակ։ Իսկ XIII դարում այն վերջնականապես անցավ թուրքերի ձեռքը։

XV դարում Չորումը մտել է Օսմանյան կայսրության կազմի մեջ։

Քաղաքի բնակչությունը

Չորումի բնակչությունը
2000	161,321
1990	116,810
1985	96,725
1980	75,726
1970	57,576
1960	34,726

Արտաքին հղումներ

• Չորումի պաշտոնական կայք էջ
• Չորումի լուսանկարները
• Կազմակերպություններ Չորումում

Վիքիպահեստն ունի նյութեր, որոնք վերաբերում են «Չորում» հոդվածին։