«Խիզախության համար» մեդալ (ԽՍՀՄ)
| «Խիզախության համար» մեդալ (ԽՍՀՄ) | |||||
|---|---|---|---|---|---|
| |||||
| Երկիր |  ԽՍՀՄ | ||||
| Տեսակ | խիզախության պարգև և մեդալ | ||||
| Կարգավիճակ | չի շնորհվում | ||||
| Վիճակագրություն | |||||
| Պարամետրեր | տրամագիծը` 37 մմ, ժապավենի լայնությունը` 24 մմ | ||||
| Հիմնադրման ամսաթիվ | հոկտեմբերի 17, 1938 | ||||
| Պարգևատրման քանակը | մոտ 4 600 000 | ||||
| Հերթականություն | |||||
| Ավագ պարգև | Medal of the Order of Parental Glory? | ||||
| Կրտսեր պարգև | Ուշակով մեդալ | ||||
 Medal For Valour Վիքիպահեստում | |||||
(17.10.1938 թ. - 19.06.1943 թ.)
«Խիզախության համար» մեդալ — ԽՍՀՄ պետական պարգև։ Հիմնադրվել է 1938 թ. հոկտեմբերի 17-ին, ԽՍՀՄ Գերագույն խորհրդի նախագահության ««Խիզախության համար» մեդալի, ստեղծման կարգը» հրամանագրով։ Ըստ կանոնակարգի «Խիզախության համար» մեդալով պարգևատրվում են այն անձինք, ովքեր Սոցիալիստական հայրենիքի պաշտպանության և զինվորական պարտքը կատարելու ընթացքում աչքի են ընկել անձնական քաջությամբ և արիությամբ։
Շքանշանով պարգևատրվողները
[խմբագրել | խմբագրել կոդը]«Խիզախության համար» մեդալով պարգևատրվում են Կարմիր բանակի, Ռազմա-Ծովային նավատորմի, սահմանապահ և ներքին զորքերի զինվորները, և ԽՍՀՄ-ի այլ քաղաքացիները»։ ԽՍՀՄ-ի պարգևատրման համակարգում «Խիզախության համար» մեդալը համարվում է բարձրագույն պարգև։
Նկարագրություն
[խմբագրել | խմբագրել կոդը]«Խիզախության համար» մեդալ-ը արծաթագույն է, շրջանաձև, տրամագիծը՝ 37 մմ, երկու կողմից բարձրացված եզրերով։ Մեդալի երեսի կողմում պատկերված է վերևի մասում՝երեք թռչող ինքնաթիռ, ինքնաթիռների տակ երկու տող արձանագրություն՝ «Խիզախության համար», տառերի մեջ կարմիր էմալ է, այդ գրության տակ պատկերված է հրասայլ. Մեդալի ներքևի մասում գրված է «ԽՍՀՄ»` նույնպես ծածկված կարմիր էմալով։ Դարձերեսին մեդալի համարն է։ Մեդալը մետաղե օղակի միջոցով ամրացվում է հնգաթև մետաղե թիթեղյա շերտաձողին, որի հակառակ երեսն ունի մեդալը հագուստին ամրացնելու հարմարանք։ Նրա վրա ձգված է մետաքսե մոխրագույն ժապավեն երկու երկայնական կապույտ գծերով։ ժապավենի լայնությունը 24 մմ է, գծերինը` 2 մմ։ «Խիզախության համար» մեդալի առաջին տարբերակը ամրացվում էր ուղղանկյուն մետաղե թիթեղյա շերտաձողի միջոցով, որի վրա ձգված էր կարմիր ժապավեն։ Համաձայն Գերագույն խորհրդի նախագահության 1941 թ. հուլիսի 7 որոշման, «Խիզախության համար» մեդալը պարգևատրվողի մահից հետո վերադարձվում էր ԽՍՀՄ Գերագույն խորհրդի նախագահություն։ Մեդալի Վկայականը կարող էր մնալ պարգևատրվածի ընտանիքում (Գերագույն խորհրդի նախագահության 1943 թ. հուլիսի 13 հրամանագրով)։
Աղբյուրներ
[խմբագրել | խմբագրել կոդը]ՀՍՀ Հատոր 7, էջ 374, «ՄԵԴԱԼՆԵՐ ԽՍՀՄ»