Radio (geometria)

Radio
subclasse de: Segmento, radial line[*], longitude
parte de: Diametro

In geometria classic, un radio de un circulo o sphera es alicun segmento de su centro a su perimetro. Per extension, le radio de un circulo o sphera es le longitude de alicun segmento simile, que es medietate del diametro. Si le objecto non ha un centro obvie, le termia pote referer se a su circumradio, le radio de su circulo circumscripte o sphera circumscripte. In ambe casos, le radio poterea esser plus que medietate del diametro, que es usualmente descripte como le distantia maxime inter alicun duo punctos del figura. Le inradio de un figura geometric es usualmente le radio de le circulo o sphera le plus grande que illo pote continer. Le radio interne de un rondo, tubo, o altere objecto cave es le radio de su cavitate.

Pro polygonos regular, le radio equala su circumradio. Le inradio de un polygono regular etiam se appella apothema. In le theoria de graphicos, le radio de un graphico es le minimo super omne vertices u del distantia maxime de u a alicun vertice altere del graphico.

Formulas pro circulos

Radio de circumferentia

Le radio del circulo con perimetro (circumferentia) C es

$r={\frac {C}{2\pi }}={\frac {C}{\tau }}.$

Radio de area

Le radio de un circulo con area A es

$r={\sqrt {\frac {A}{\pi }}}.$

Radio de tres punctos

Pro computar le radio de un circulo que transversa tres punctos, P₁, P₂, P₃, le formula sequente pote usar se:

$r={\frac {|P_{1}-P_{3}|}{2\sin \theta }}$

ubi θ es le angulo $\angle P_{1}P_{2}P_{3}$.

Iste formula usa le lege de sinuses.

Formulas pro polygonos regular

Radio de latere

Le radio de un polygono regular con n lateres de longitude s es

$r={\frac {s}{2\sin {\frac {\pi }{n}}}}$

Formulas pro hypercubos

Radio de latere

Le radio de un hypercubo con d dimensiones con lateres de longitude s es

$r={\frac {s}{2}}{\sqrt {d}}.$

Referentias

Nota

Iste pagina contine material traducite ab Wikipedia in anglese. Le articulo original se trova a en:Radius, e es usate secundo le mandatos del licentia de Wikipedia.