Ósamþátta

Tvær heiltölur $a$ og $b$ þykja ósamþátta eða ósamþættar ef stærsti samdeilir þeirra er einn ($\operatorname {ssd} (a,b)=1$) en það er stundum táknað með rithættinum $a\perp b$. Dæmi um tölur sem eru ósamþátta eru $9$ (þáttað $3\cdot 3$) og $20$ (þáttað $2^{2}\cdot 5$) þar sem þær hafa engan sameiginlegan þátt en $8$ (þáttað $2^{3}$) og $20$ ($2^{2}\cdots 5$) eru hins vegar samþátta þar sem þær deila þættinum $2^{2}$. Talan einn er ósamþátta öllum heiltölum og því er $\operatorname {ssd} (a,1)$ alltaf jafnt og 1 þegar $a$ er heiltala.

Tölurnar $4$ og $9$ eru ósamþátta og því sker lína á milli þeirra enga punkta í punktagrind.

Almennt brot af gerðinni ${\frac {p}{q}}$ þar sem $p$ og $q$ eru ósamþátta heiltölur telst vera fullstytt brot. $\phi$-fall Eulers $\phi (n)$ skilar fjölda heiltalna sem eru ósamþátta $n$.

Nota má keðjudeilingu (reiknirit Evklíðs) til að ákvarða hvort tvær tölur séu ósamþátta.