Ugrasena

Ugrasena bisa béda ing antarané sawetara kitab lan uga pedhalangan.

Ugrasena Mahabharata

Ugrasena iku, salah sijining para Korawa satus. Jenengé diarani ing layang gancaran Adiparwa, kitab pratamané Mahabharata.

Ugrasena ing pedhalangan

Ugrasena iku uga jenengé Prabu Setyajid nalika isih mudha. Raja negara Lesanpura iku putrané Prabu Basukunti ing Mandura. Ing pedhalangan gagrag Ngayogjakarta, Ugraséna iku putra Prabu Kuntiboja.

Dhèwèké isih sak saduluran karo Basudewa, Kunti, lan Rukma.

Setyajid nduwé garwa Dewi Sini utawa Wresini. Saka bebrayan iki antuk putra-putri:

1. Dewi Setyaboma
2. Arya Setyaki.

Béda-béda lakon

Ing pedhalangan sing njupuk lakon seka kitab Purwacarita, Setyajid mati déning Bomanarakasura nalika mbéla Samba.

Ing Mahabharata, Setyajid mati nalika Kartawarma lan Aswatama mlebu sesingidan ing kraton Astina nalika baratayuda wus rampung.

Béda manéh ing Mosalaparwa, Ugraséna mati bebarengan karo tumpesé trah Yadawa, Wresni]], lan Andaka.

Paraga ing India

Ing India, Ugrasena iku raja Mathura kanthi garwa Karni. Seka jejodhoan iki antuk momongan kansa lan Devaka. Ing crita Mahabharata gagrag India, Ugrasena kalèngsèraké déning Kansa. Krishna banjur matèni kansa lan mbalèkaké Ugraséna dadi raja manèh.

Delengen uga

• Korawa
• Pandhawa
• Adiparwa
• Mahabharata

Pranala njaba

• (ing basa Indonésia) Ugrasena ing Bausastra Javanese Dictionary (bausastra.com)