Malik Ado-Ibrahim

Malik Ado-Ibrahim

a̱tyubishyi

Sot mbyin	a̱sam
A̱tuk mbyin	22 Zwat Swak ma̱ng Sweang 1960
Ta̱m	businessperson, a̱tyukwai-nfwuo-á̱niet

A̱fai-a̱gwam Malik Ado-Ibrahim (byin 22 Zwat Swak ma̱ng Sweang 1960) yet a̱tyubwuang ma̱ng a̱tyukwai-nfwuo-á̱niet Naijeriya wa. Ma̱ a̱lyia̱ 1999 ma̱nang gu ku yet ndyia̱ 38 a̱ni, a̱ si̱ yet a̱son a̱tyu a̱dyundyung kwa a̱ na mak yet a̱tyubyia̱ sot Arrows ji, ji̱ yet sot-nta̱m ji̱ nyia̱ tyok tazwa á̱kpa 70 mami á̱kpa 100 a̱mgba̱m zwa Formula One ji. Nggu wa yet nggwon-a̱sam a̱tat Ohinoyi A̱byintyok A̱bira ka, Ado Ibrahim. A̱ ku nat fang hu mi̱ Nggi̱lan ma̱ng Muná̱pyia̱ Si̱tet A̱merika. Nggu wa yet a̱tyucatcuk a̱kwak a̱son a̱byin Naijeriya wu tafa Young People's Party (YPP).

Shyicet a̱pyia̱

Ma̱ a̱lyia̱ 2020, á̱ si̱ ta̱bat shei nkhang nyia̱ Ibrahim ku bwuo Adama Indimi, nggwoneam a̱tyubyia̱kurum ba̱t ma̱ng a̱tyubeang-á̱niet Naijeriya wu nang á̱ ngyei Mohammed Indimi a̱ni.

A̱kariya kwai nfwuo-á̱niet

Mi̱ Zwat A̱taa 2022, á̱ khai Ibrahim gu yet a̱tyubwoi tyiang a̱toot shi a̱kwak a̱son a̱byin ka ma̱ng Young People's Party (YPP) mi̱ khai Naijeriya a̱lyia̱ 2023 hu a̱ si̱ ya tswák 66, a̱ si̱ swuocet a̱kpa̱ndang a̱yangka̱nan a̱ lan shyia̱ kpa̱mkpaan ma̱ng a̱nggu nang á̱ ngyei Ruby Issac a̱ni, a̱nyan wa ku ya tswák 4.

Da̱ a̱kwonu a̱kya, a̱ si̱ ya-a̱ywan di̱ shyia̱ ba̱ng cuk a̱kwak a̱son a̱byin ji mi̱ khai a̱kwak a̱son a̱byin si̱ 25 Zwat Sweang 2023 hu bah.