Mihemed Emîn Zekî

Mihemed Emîn Zekî, dîroknas û niviskarekî kurd bû û sala 1880'yî li Başûrê Kurdistanê, li Silêmaniyê ji dayîk bû.

Mihemed Emîn Zekî
Jidayikbûn	1880 Silêmanî, Başûrê Kurdistanê
Mirin	Tîrmeh 1948 Silêmanî
Pîşe	Dîroknasê kurd, kurdnas û nivîskar
Zimanê nivîsinê	Erebî
Hevwelatî	Împeratoriya Osmanî
Tevgera wejêyî	Dîrok
Berhemên navdar
Tarîxî Kurd û Kurdistan (2 cild) Dîroka Kurd û Kurdistanê Meşahirî Kurd û Kurdistanê Tarîxî Silêmanî
biguhêre

Jîyana Wî

Navê bavê wî Heci Evdirehman bû ku bazirgan û xwediyê karwanan bû. Malbatekî dewlemend de mezin bû. Hêj biçûkatîyê emrê xwe de dayîka wî çû dilovaniya Xwedê. Piştî nexweşiyekê dijwar, nexweşiya romatizmayê kû heta dawiya emrê wî pêsîra wî berneda peyda bû.

Ji bo hînbûna xwendin û Quranê dest bi Medreseya Mela Ezîz kir. Pistre bi dorê re dibistana seretayî li Silêmaniyê Amadehiya Leşkerî diqedîne û ji wir derbasî Akademiya Leşkerî dibe a li Bexdayê. Li wir hêdî hêdî dest bi mijûlên hunerî dike. Kêfa wî gelek nigarkirinê tê. Hin tabloyan li wir çêdike. Paşê li Stembolê Akademiya Şer dixwîne û Akademiya Bilind a Şer bi yekemtiyê diqedîne. Di Şerê cîhanî yê yekem de li gelek cepheyan şer dike.

Xizmetên Wî Yên Leşkerî

• Di sala 1903'a da li nav hêzên 6em ya Împeratoriya Osmanîya da bi rutbeya serpêl xizmet dide, piştî eşkerekirina meşrûtîyeta duyem de derbasî Edirneyê di nav hêza 2em dibe.
• Dizivire Stenbolê di nav komîteya nexşekirina Stanbolê xebitî.

Sala 1924'an vedigere Iraqê û li Dibistana Şer a Bexdayê dersdarî û rêveberiyê dike. Piştî vê dikeve hikûmetê û dibe Wezîrê Parastina Neteweyî. Mihemed Emîn Zekî Beg piştî ku Hikûmeta Yekem a Nûrî Seîd Paşa ava dibe, tê ser karê Wezareta Aboriyê. Di tîrmeha sala 1948´an de li Silêmaniyê diçe ser dilovaniya xwe.

Hinek ji berhemên wî

• Dîroka Kurd û Kurdistanê (2002). Avesta, Stenbol. Ji aliyê Ziya Avci ve bi tîpên latînî û bi kurmancî hate wergerandin.
• Meşahirî Kurd u Kurdistan
• Tarîxî Silêmanî