Meftune

Meftune, meftûne cure xwarineke quşxaneyê ji pêjgeha kurd û gelên cîran e.

Ji ber ku bêjeya "meftûne" tê wateya dildayînê, ev xwarin bi qasî dildayînê hatiye hezkirin. Bi taybetî li Amedê gelek hez jê tê kirin.

Berkelî

• 750 gr goştê sor
• 4 serî bacanê reş (bacanreşk)
• 4 serî frrengî (pamîdor, bacanê sor, şamî, şamik, tomatos)
• 4 serî îsot
• 2 kevçî simaq
• 4 serî sîr
• Rûnê ron (gulberoj aêd)
• Av
• Xwê
• Biharbêhn (biharat) li ser daxwazê ye

Amadekirin

1. Rûnê xwe berdin quşxane yan beroşa xwe û biqelînin. Dema baş qeliya heya ser goşt bigire avê berdinê. Bi vî awayî heya ava xwe kişand bikelînin.
2. Bacan, fireng û îsota xwe tîke bikin berdin ser goştê xwe. Hinekê avê berdin ser û ava darivandî ya simaqê jî pê re. Xwêya xwe bavêjinê û bikelînin. Ber bi dawîbûnê re sîra kutayî tevlî bikin û hinekê wisa bidin rawestandin. Êdî amade ye were ser destexaneyê.