Greunlond

Kalaallit Nunaat (Greunlandek)
Grønland (Danek)


(Baner Greunland)	(Kota arvow Greunland)

Kenedhel

Rywvaneth Danmark

Yethow soedhogel

Greunlandek, Danek

Pennsita

Nuuk (Godthåb)

Myghternes

Margrethe II, myghternes Danmark

Kynsa menyster

Kuupik Kleist

Enep
-En holl
-% dowr

2 166 086 km²
81,1%

Poblans (2005)
Doesedh

56 375
0,025/km²

Mona kemmyn

kurun dhanek

Kan kenedhlek

Nunarput utoqqarsuanngoravit
Nuna asiilasooq

Kodenn Kesroesweyth

.gl

Kodenn pellgowser

299

Ynys brassa an bys yw Greunland (Greunlandek: Kalaallit Nunaat) ynter an keynvoryow Iwerydh hag Arktik . A-dro 81% a'n enep usi gorherys gans yey. Tus Inuit o kynsa trigoryon aswonnys y'n ynys; ynsi a wra hwath an vrassa niver a dus. Aga yeth, Kalallisut po Greunlandek, yw pur haval dhe'n yeth Inuktitut kewsys yn Nunavut ha Pow Kebek, Kanada.

Tus Lyghlynn a drevesigas yn Greunland yn 986 yn-dann Erik an Rudh. Ynsi a henwis an ynys y'n yeth Norsek Grænland, po "tir las", spit dhe'n rew tew ow korheri enep an ynys. Greunland a besya avel drevesigeth norgaghek bys yn 1814, pan berghennogis Denmark an ynys der an rywvaneth unys a Norgagh ha Danmark. A-dhia 1ª Me 1979 yma omrewl dhe Reunland.

Sovran Danmark yw penn an stat. Gans governans Danmark y fydh henwys unn Rigsombudsmand (Desedheger Ughel) heb leun a alloes neb a negysy a-barth wovernans Danmark ha'n Rywvaneth y'n ynys.

Yma senedh ynni 31 esel dewisys rag peder blydhen. An governans a vydh lywys gans an Kynsa Menyster, Hans Enoksen lemmyn, hag yw lywydh an parti brassa y'n senedh, Siumut.

Nyns yw Greunland esel mann a'n Unyans Europek a-dhia 1985 awos eseleth Danmark ynno. Byttegyns, an pow yw esel kevrennek a'n Konsel Nordek warbarth gans an kenedhlow lyghlynnek, Island, an Ynysow Faroe, ha Pow Finn.

An erthygel ma yw skrifys yn Kernewek Kemmyn.