Espace culturel Cité

Dësen Artikel beschäftegt sech mat mam Kulturzentrum Cité. Fir aner Bedeitungen, kuckt wgl. Cité (Homonymie).

De Kulturzentrum Cité, meeschtens einfach Cité genannt, ass e Kulturzenter am Zentrum vun der Stad Lëtzebuerg.

Am Cité sinn d'Bibliothéik vun der Stad, d'Boule (e Konferenzsall) an eng Lounge mat Bar a Restaurant.

De Centre culturel Cité gouf am Gebai vum fréiere Ciné Cité (dohier den Numm vum Zenter) an der Lantergässel (rue Génistre), e puer Meter vun der Plëss d'Arem ewech, amenagéiert.

Déi offiziell Aweiung vum Zenter war de 15. Januar 2010^[1].

De Cité ass um éischte Stack mat enger Passerell iwwer d'Lantergässel ewech mam Cercle municipal verbonnen. Zesumme bilden déi zwee Gebaier, nodeem de Cercle 2011 fäerdeg renovéiert gouf, de Cercle Cité.^[1]

D'Gebai

D'Bibliothéik vun der Stad ass um Rez-de-chaussée an op zwéi Niveauen drënner.
Um éischte Stack ass den Aka Cité (wuertwiertlech op Franséisch: la Cité rouge), eng Lounge mat Bar-Restaurant (Sushi-Bar).
Um zweete Stack ass d'Boule, e Konferenzsall a Form vun engem Auditoire mat 142 Sëtzplazen.^[1]

Kuckt och

Um Spaweck

Commons: Espace culturel Cité – Biller, Videoen oder Audiodateien

Referenzen

↑ ^1,0 ^1,1 ^1,2 Luxemburger Wort 18. Januar 2010, S. 14.

[LW-1] 1,0 ^1,1 ^1,2 Luxemburger Wort 18. Januar 2010, S. 14.

[1]