Gare Zens-Hamm

D'Gare Zens-Hamm ass eng Gare op der CFL-Linn 3, der sougenannter Tréierer Streck, tëscht der Gare Lëtzebuerg an der Gare Sandweiler-Conter vun der Lëtzebuerger Eisebunn.

Gare Zens-Hamm
Streck	3
PK	3,050
Quaien	1
Gleiser	1
Uertschaft	Zens
Gemeng	Lëtzebuerg
Kanton	Lëtzebuerg
Koordinaten	49° 36’ 53.5’’ N       06° 09’ 55.5’’ O
Websäit	CFL.lu

Bei der Gare bestoung eng Barriär (PN. 56), ënnerzeg vun der Rue des Alouettes um Zens. D'Gare déi ursprénglech westlech vun der Barriär, laanscht dem Äppelwee louch, gouf am Kader vun der Moderniséierung an dem Ausbau vun der Zuchstreck ëstlech vun der Barriär, nei ugeluecht. Op dëser Plaz ass se zanter dem 13. Dezember 2015 a Betrib. Bis 2019 gouf d'Streck vun engem op zwéi Gleiser ausgebaut; mam Zuchbetrib um zweete Gleis goung och den zweete Quai op.

Zanterhier besteet och d'Barriär net méi a se gouf mat enger Bréck ersat, déi den Äppelwee an d'Rue des Alouettes mam Hammer Dällchen verbënnt.

D'Tréierer Streck féiert vu Lëtzebuerg bis op Waasserbëlleg an da weider op Tréier a Wittlech.

Zich déi an der Gare halen

Aus Richtung	Halt virdrun	Zuch			Nächst Halt	A Richtung
Lëtzebuerg	Lëtzebuerg		RB CFL-Linn 30		Sandweiler-Conter	Waasserbëlleg

Biller

• 
  D'Gare op der aler Plaz (Mäerz 2008)
• 
  En Zuch op der neier Halt (Dezember 2015)

Kuckt och

• Zens
• Hamm
• Lëscht vun den CFL-Garen

Um Spaweck

Commons: Gare Zens-Hamm – Biller, Videoen oder Audiodateien

• Praktesch Informatiounen iwwer d'Gare Zens-Hamm op der CFL-Websäit (de)
• D'Gare Zens-Hamm op der Websäit "rail.lu"
• D'Gare Zens-Hamm op der Websäit vu Spoorgroep Luxemburg
• Rita Ruppert, 2015, Eine Hürde ist geschafft - Erster Gleisabschnitt und zwei neue Haltestellen ab Sonntag in Betrieb op wort.lu, gekuckt den 13.12.2015
• Rita Ruppert, 2015, Licht am Ende des Tunnels - Erster Gleisabschnitt und zwei neue Haltestellen ab Sonntag in Betrieb am Wort, Nr. 289 vum 11.12.2015, S. 26