Вила-Нова-ди-Гая

Ви́ла-Но́ва-ди-Га́я (порт. Vila Nova de Gaia; [vilɐ 'nɔvɐ dɨ 'gaiɐ]) — Португалияда авай шегьер, Порту округдик акатзавай сад тӀвар алай муниципалитетдин юкь я. Шегьердин агьалийрин сан-гьисаб — 178,3 агъзур кас, муниципалитетдин — 307,4 агъзур кас я. Шегьерни муниципалитет Кеферпатан экономикадинни статистикадин региондик ва ЧӀехи Порту субрегиондик акатзава. ЦӀуру административ паюнив кьурвал, шегьер Дору-Литорал провинциядик квай тир.

Алай чка

Шегьер Дору вацӀун чапла патан (кьиблепатан) къерехал, эрчӀи къерехал алай округдин административ юкь тир Порту шегьердилай акси пата чка кьунва.

Ви́ла-Но́ва-ди-Га́я муниципалитет нихъ галаз сергьятра аватӀа агъадихъ ганва:

кефердин пата — Порту муниципалитет;
кефердинни рагъэкъечӀдай пата — Гондомар муниципалитет
кьибледин пата — Санта-Мария-да-Фейра, Эшпинью
рагъакӀидай пата — Атлантик океан

Агьалияр

Вила-Нова-ди-Гая муниципалитетдин агьалийрин сан-гьисаб, агъз. кас
1801	1849	1900	1930	1960	1981	1991	2001	2004	2006	2010
24 675	43 454	74 072	102 950	157 357	226 331	248 565	288 749	300 868	307 444	321 652

Яшамишдай чка дегь чӀаварилай аваз ава. Арабри Иберия къачурла яргъал чӀаван къене (1000-лагьай йисал кьван) сергьят Дору вацӀай тӀуз физвай тир, амма христианривай 1035-лагьай йисуз яшамишдай гахчуз хьана. Адаз Порту-Кале тӀвар гана, и тӀварцӀикай Португалиядин тӀвар арадал атана.

Са арадлай 1255-лагьай йисуз Вила-Нова-ди-Гая шегьердин диб эцигнава.

КьетӀен чкаяр

Лап гьа ина, Портуда туш, садбурун гъалатӀ тир фикирралди хьиз, Португалиядин портвейн хуьдай тӀвар-ван авай чехирдин гьамбарханаяр ава.

Гаядин акунар Портудай. Жуьреба-жуьре портвейндин маркайрин тӀварар Дору вацӀал алай дараматрал аквазва

Районар

ТӀвар-ван авай шегьервияр

Антониу Соареш дуж Рейш — Португалиядин кьетӀен чӀехи скульптор.