Tahiti

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

De ligking van Tahiti binne Frans Polynesië.

Tahiti of Otaheite is 'n eilandj in 't zuje van de Groten Oceaan. 't Beheurt same mit de eilenj Moorea en Bora Bora tót Frans Polynesië, 'n grote eilandjgroep van 118 eilenj die ligke tösse Australië en Zuud-Amerika. Väöl van dees eilenj höbbe 'ne vólkanischen oorsjprónk.

Tahite haet e gevarieerd landjsjap; naeve sjiljerechtige sjtrenj geuf 't berg en oerwaadgebiede. Tahiti is ónger anger bekènd gewaore ómdet de Franse sjiljer Paul Gauguin 'n aantal jaor dao haet gewoond en gewirk. De houfsjtad van Tahiti is Papeete.

't Eilandj had in 2002 169.674 inweuners en is 1.036 km² groot. De officieel tale zeen Frans en Tahitiaans. E traditioneel kleiersjtök is de pāreu, of pareo.

Op Tahiti wónt de grótste Sjinese gemeinsjap van 't zuje van de Groten Oceaan.