Kuurne

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Kuurne in Wes-Vlaandere.

Kuurne mèt aongrenzende (deil)gemeintes (zuug de hoofteks veur 'n verklaoring).

Modern Pieterskèrk in Kuurne.

Kuurne (Wes-Vlaams: Keurne) is e dörp en 'n gemeinte in de Belzje provincie Wes-Vlaandere, in 't arrondissemint Kortrijk. De gemeinte heet 'n oppervlak vaan 10,01 km² en had op 1 januari 2008 12.649 inwoeners.

Geografie

Kerne

Kuurne heet gein deilgemeintes. 't Besteit evels wel oet drei woenkerne.

• I. Kuurne-Centrum (ouch wel Sint-Michiel)
• II. Sint-Katrien (gedeiltelek)
• III. Sint-Pieter

Aongrenzende (deil)gemeintes

a. Kortrijk (stad Kortrijk) b. Heule (stad Kortrijk) c. Lendelede (gemeinte Lendelede)

d. Hulste (stad Harelbeke) e. Bavikhove (stad Harelbeke) f. Harelbeke (stad Harelbeke)

Cultuur

Bezeensweerdeghede

In 't dörp steit 'n neogotische kèrk gewijd aon Sint-Michiel. De Pieterskèrk (foto; in de kern Sint-Pieter natuurlek) is evels bekinder, um zien opvallende modernistische vörmgeving.

Folklore

De bijnaom vaan de Kuurnenere is ezele. Dinkelek kump dit vaan hun vreuger landbouwgewoentes. Es ze mèt hun greunte nao de stad trokke, lagte ze de handel op ezelskare. 'n Apocrief verhaol sjrijf de bijnaom touw aon de koster vaan 't dörp. Intösse is ezel 'ne geuzenaom: de gemeinte heet intösse 'nen ezel es mascot.

Historie

Kuurne weurt veur 't iers geneump in 1123, es (villa de) Cuernes. Iewelaank waor 't 'n oonaonzeenlek landbouwdörp, wat veural akkerbouw bedreef (greunte die in Kortrijk woort verkoch). In d'n twintegsten iew greujden 't oet tot 'n veurstad vaan Kortrijk. In 1977 stoont Kuurne get groond aof aon de gemeinte Kortrijk (de kern Heule-Watermolen, die bij de nui deilgemeinte Heule kaom); 't oersprunkelek plan um Kuurne mèt de stad te laote fusere góng vaanwege hel proteste neet door.

Extern links

• Website vaan de gemeinte