Inn (fiöm)

Chest artícol a l'è scricc in Lumbàrt, ortograféa orientàl unificàda.

Inn
L'Inn a Kufstein
Nasiù	Svizzera  Austria Germania
Longhèsa	517 km
Portàda média	760 m³/s
Bacino idrografich	25,700 km²
Altèsa de la sorgènt	2,800 méter sùra 'l leèl del mar
El nas	Lagh del Longhin, arent al Pass del Malögia, 'ndèl Cantù dei Grizù 'n Svìsera
El và a finì	Danubio a Passau
Mappa del fiume

L'Inn (en romancio: En; en latì: Oenus) l'è 'n fiöm 'ntra i piö 'mportàncc de l'Euròòpa centràl. L'è 'n trebötàre del Danubio.

L'è lónch 517 km. El nas endèla Engadina Alta (Cantù dei Grizù, 'n Svìsera) de le bànde del Pas del Malögia (el pont de partensa l'è cunsideràt el Lagh del Longhin), arènt al cunfì co l'Itàlia. Póch sóta la sorgènt el fùrma i lach de Sils e de Silvaplana, e dòpo 'l percór töta l'Engadina e 'l streèrsa pòscc cunusìcc come St. Moritz e Zernez. De le bànde de Zernez el ricéf le àive del Spöl (che 'l nas a la Fórcola de Livìgn).

Piö 'n nacc el sègna 'l cunfì 'ntra Svìsera e Austria, e pò 'l pàsa per el Tiröl, el rìa a Landeck e 'ndèl öltem tòch el ciàpa diresiù est 'nfìna a streersà Innsbruck. De le bànde de Kufstein l'Inn el pàsa 'l cunfì co la Germania, el streèrsa Rosenheim, Wasserburg am Inn, Mühldorf am Inn, Neuötting am Inn e pò 'l se sböta 'ndèl Danubio a Passau.

Galeria de foto

• 
  L'Inn a Bever
• 
  De le bande de Mühldorf
• 
  Passau: l'Inn ('n alt) el se sböta 'ndèl Danubio