Витсен, Николаес
Николаес Витсен | |
---|---|
нед.: Nicolaes Witsen | |
![]() | |
шачень | 8 майста 1641[1][2] |
шачема васта | |
куласть | 10 августста 1717[1][3][2][…] (76 к.) |
кулома васта | |
мастор | |
тев теят | кучф ломанць, масторонь картонь тиись, сёрмадысь, дипломатсь |
аляй | Корнелис Витсен[d] |
казнет | |
![]() |
Николаес Витсен (нед.: Nicolaes Witsen; 8-це майков 1641 — 10це августков 1717) — Недерландонь кучф ломанць, масторонь картонь тиись, сёрмадысь ди 13-це Амстердамть ошпряфтоц 1682—1706 кизоса. Сон ульсь Недерландонь Шистямаширень Индиеть оцюнякс эди англань зидаса кучф ломанькс. Витсенць оцювенежень содаель эди аноклась лама эрявикс XVII сядокизонь книгат голандонь венеж тиемать колга.
Николаес Витсен ульсь Амстердамть ошпряфтокс — Недерландонь Шивалгомширень Индиети оцюнякс эди кучема ломанькс. Сон Корнелис Йан Витсенонь цёрацоль, ървяясь Дирк Тульпть стиренцты, ди арась Амстелень Тульпенбург кудть азоркс.
Венежтиема тев
[петнемс | петнемс лисьмапрять]![](http://upload.wikimedia.org/wikipedia/commons/thumb/d/d2/Nicolaas_Witsen_1674-1717_by_Petrus_Schenk_1701.jpg/220px-Nicolaas_Witsen_1674-1717_by_Petrus_Schenk_1701.jpg)
1662 кизоня марковста Амстердамонь атенеумса Николаес Витсен кирдсь вал модань асуть лештяштень ащемадонза колга. 1664 ди 1665 кизоня Николаес Йаку Бореельть мархта якась-шяясь Россия масторть эзга ди сонь шиньгярькссонза тяштсь: аш тяса тонадомань эли сетень тевть содаетада. Кува якась Россия масторть эзга сон валгсь Никон кирдить пяли, иняру Колать тусьфоц сонь мялец салазе ди меле сон азондсь сёрмадомасонза тусьфти сюконякшнемать кувалма. Сон тонафнесь коень содама тевть Лейден тонафтомаюрхтса. Сёрмадсь сонь киниганц «Aeloude and hedendaegsche Scheepsbouw en Bestier» венежтиемань тевть колга 1671 кизоня. Меле сон кармась сёрмаса полафнемс Ине Петру мархта, кона мялецоль одкстоптомс россиянь оцязоргирдемань иневедень ушмовиенц Шивалгомширень Явропть кепотьксонц коряс. Витсен кода недерландонь кучфоц путсь сёрмалангаконц Россия масторонь-Недерландонь ладяма кагодть ала, конань коряс Недерлаттненди эряволь анокламс од Россия масторонь тюремань венешт, Россия масторти эряволь усксемс голандонь республикав сёра, шуфтт, сапоньгев, кяше. 1697 кизоня Витсен ладясь россиянь оцязорти ниле ковонь тонафнема Недерландонь Шивалгомширень Индиеть венеждингсонза, мъзярда оцязорсь эрясь Витсенонь кудсонза.
Масторонь картонь тиема тев
[петнемс | петнемс лисьмапрять]![](http://upload.wikimedia.org/wikipedia/commons/thumb/5/5f/Witsen_-_Tartaria.jpg/220px-Witsen_-_Tartaria.jpg)
1687 кизоня Витсен нолдазе Сибирть васенце картанц, 1692 кизоня нолдась «Noord en Oost Tartaryen (Пялевень эди шиньстямаширень Тартарие)» лемса оцю сёрматфонц, конань эса азондсь Сибирть, маласа лама иля модатнень колга. Сон тяфта жа ульсь мокшень масторса, коса кочкась лама мокшень валда. Сембе валхне сявфольхть лямбе-шимадомширень Зубунь корхтафксста. Витсенонь сермадомац ащи васень мокшень валгярькссь.
Покаманза
[петнемс | петнемс лисьмапрять]- Architectura navalis et reginem nauticum (эли Aeloude en hedendaegsche scheepsbouw en bestier), 1671, омбоце нолдафкс 1690.
- Noord en Oost Tartaryen, 1692; омбоце нолдафкс, 1705.
Лятфтамат
[петнемс | петнемс лисьмапрять]- ↑ 1,0 1,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
- ↑ 2,0 2,1 Nicolaas Witsen — 2009.
- ↑ Nicolaes Witsen (нидерл.)
- ↑ LIBRIS — 2012.