Hijery ny fangon'i Epistily faharoa ho an' ny Kôrintiana

Ny [[Epistily faharoa ho an' ny Kôrintiana]] na '''Taratasy faharoan' i Masindahy Paoly ho an' ny Kôrintianina''' dia boky ao amin' ny [[Testamenta Vaovao]] ao amin' ny [[Baiboly]] kristiana, izay anisan' ny atao hoe [[epistily]]. Taratasy faharoa nalefan' ny Apôstôly [[Paoly (apôstôly)|Paoly]] ho an' ny fiangonana kristiana tany [[Kôrinto tamin' ny Andro Taloha|Kôrinto]] izany. Teo anelanelan' ny taona 55 sy 57 no nanoratana azy. Misy toko 13 ity boky ity. 

== Ny anaran' ny boky ==
''Επιστολή προς Κορινθίους'' / ''Epistolê pros Korinthious'' ny anarany amin' ny [[Fiteny grika|teny grika]] ary ''Epistula II ad Corinthios'' kosa amin' ny [[Fiteny latina|teny latina]].

Ny [[Prôtestantisma eto Madagasikara|Prôtestanta malagasy]] sy ny ankamaroan' ny Kristiana malagasy tsy katôlika dia manao hoe ''Epistily faharoa ho an' ny Korintiana'' (hafohezina amin' ny hoe ''Korintiana faharoa'') fa ny [[Eglizy Katolika Apostolika Romana (Madagasikara)|Katôlika malagasy]] kosa manao azy hoe ''Epistolà'' na ''Taratasy faharoan' i Masindahy Paoly'' ''ho an' ny Kôrintianina'' (hafohezina amin' ny hoe ''Kôrintianina faharoa'').

== Famintinana ==
Mamaly ny tenin' ny Kristiana sasany any [[Kôrinto tamin' ny Andro Taloha|Kôrinto]] izay miampanga azy ho tsy nanatanteraka ny fampanantenana ny hitsidika azy ireo i [[Paoly (apôstôly)|Paoly]] (2Kôr. 1:23). Te hahafantatra koa i Paoly raha efa nanaraka ny toroheviny na tsia ny Kristiana mbola malemy finoana ka [[Fahotana|manota]] (2Kôr. 2:5-11). Mampahatsiaro ny Kristiana ao Kôrinto i Paoly ny amin' ny famindram-pon' Andriamanitra sy ny tokony hananan' ny Kristiana izany toetra izany koa ka hanampy ny vahoakan' Andriamanitra ao [[Jerosalema (Andro Taloha)|Jerosalema]] sy [[Jodea]] (2Kôr. 8:1-9:15). Mpanompon' ny [[Fanekem-pihavanana]] vaovaon' Andriamanitra i Paoly (2Kôr. 3:1-17) ka vonona hitarika ny olona eo amin' Andriamanitra na dia hitondra azy amin' ny [[fahafatesana]] aza izany (2Kôr. 4:1 - 6:13; 10:1-12:10). 

== Fizaràn' ny boky ==
Azo zaraina efatra ny epistily:

=== Ny hasarotan' ny asa fanompoan' i Paoly (1:1 - 3:18) ===

* Teny fisaorana an' Andriamanitra sy fiarahabana (1:1-11)

* Niova ny vinavinan-dian' i [[Paoly (apôstôly)|Paoly]] (1:12 - 2:11)

* Na ho amin' ny fiainana na ho amin' ny fahafatesana (2:12-17)

* mpanompon' ny [[Fanekena Vaovao|Fanekana vaovao]] i Paoly (3:2-18)

=== Tarihin' ny fitiavan' i Kristy (4:1 - 7:16) ===

* Fahoriana sy fahatokiana eo am-pitoriana ny [[Filazantsara|vaovao mahafaly]] (4:1 - 5:21)

* Tsy maintsy hiaritra fahoriana sy tokony hitandrina (6:1-14)

* Hafalian' i Paoly mifangaro alahelo noho ny vaovao nentin' i [[Titosy]] (7:1-16)

=== Famoriam-bola ho an' ny Kristiana any Jodea (8:1 - 9:15) ===

* Anton' ilay famoriam-bola (8:1-15)

* Hafatrahatra ho an' ny iraka (8:16 - 9:5)

* Ny soa azo avy amin' ny fanampiana ny hafa (9:5-15)

=== Fiarovan-tenan' i Paoly amin' ny fiampangana azy (10:1 - 13:13) ===

* Tsy mandeha araka ny nofo i Paoly (10:1-11)

* Tsy manaiky ny ahatao hoe be hambo i Paoly (10:12-18)

* Voatery midera tena i Paoly (11:1 - 12:18)

* Tahotra sy ahiahin' i Paoly (12:19 - 13:10)

* Teny famaranana (13:11-13)

== Tsongan-tsoratra ==
<blockquote>"<small><sup>13</sup></small> Fa Apostoly sandoka izy ireny, mpiasa mamitaka, ka dia mampiova ny endriny ho tahaka ny [[Apôstôly roa ambin' ny folo|Apostolin]]' i [[Kristy]]. <small><sup>14</sup></small> Ary tsy mahagaga izany, fa [[Satana]] aza mampiova ny endriny ho tahaka ny [[Anjely|anjeli]]<nowiki/>n' ny mazava. <small><sup>15</sup></small> Koa tsy zavatra lehibe tsy akory, raha ny mpanompony koa no mba mampiova ny endriny ho tahaka ny mpanompon' ny fahamarinana; nefa ny farany ho araka ny asany ihany" (2Kôr. 11:13-15).</blockquote><blockquote>"<small><sup>2</sup></small> Mahalala olona anankiray ao amin' i Kristy aho, tokony ho efatra ambin' ny folo taona lasa izay - na tao amin' ny tena, na tsy tao amin' ny tena, tsy fantatro, Andriamanitra no mahalala - ilay anankiray dia nakarina ho any amin' ny [[lanitra fahatelo]]. <small><sup>3</sup></small> Ary mahalala ilay olona anankiray aho - na tao amin' ny tena, na tsy tao amin' ny tena, tsy fantatro, Andriamanitra no mahalala - <small><sup>4</sup></small> fa nakarina ho any [[Paradisa]] izy ka nandre teny tsy azo tenenina sady tsy tokony holazain' olona." (2Kôr. 12:2-4).</blockquote>

== Jereo koa ==
'''Ny [[Epistilin' i Paoly]]:'''

* [[Epistily ho an' ny Rômana]],
* [[Epistily voalohany ho an' ny Kôrintiana]],
* [[Epistily faharoa ho an' ny Kôrintiana]],
* [[Epistily ho an' ny Galatiana]],
* [[Epistily ho an' ny Efesiana]],
* [[Epistily ho an' ny Filipiana]],
* [[Epistily ho an' ny Kôlôsiana|Epistily ho an' ny Kôlosiana]],
* [[Epistily voalohany ho an' ny Tesalôniana|Epistily voalohany ho an' ny Tasalôniana]],
* [[Epistily faharoa ho an' ny Tesalôniana]],
* [[Epistily voalohany ho an' i Timôty]],
* [[Epistily faharoa ho an' i Timôty]],
* [[Epistily ho an' i Titosy]],
* [[Epistily ho an' i Filemôna]]

'''Boky hafa ao amin' ny Baiboly:'''

* [[Testamenta Taloha]]
* [[Epistily ho an' ny Hebreo]]

* [[Filazantsara]] ([[Filazantsara araka an' i Matio|Matio]] - [[Filazantsara araka an' i Marka|Marka]] - [[Filazantsara araka an' i Lioka|Lioka]] - [[Filazantsara araka an' i Joany|Joany]])
* [[Epistily katôlika]] ([[Epistily nosoratan' i Jakôba|Jakoba]] - [[Epistily voalohany nosoratan' i Petera|1Petera]] - [[Epistily faharoa nosoratan' i Petera|2Petera]] - [[Epistily voalohany nosoratan' i Joany|1Joany]] - [[Epistily faharoa nosoratan' i Joany|2Joany]] - [[Epistily fahatelo nosoratan' i Joany|3Joany]], [[Epistily nosoratan' i Joda|Joda]])

* [[Apôkalipsin' i Joany|Apôkalipsy]]

[[Sokajy:Epistilin'i Paoly]]