Kabupaten Asahan
Kabupaten Asahan (Jawi: اسهن) adolah sabuah kabupaten nan ado di provinsi Sumatera Utara, Indonesia.[2][3] Kabupaten iko baibukota di Kisaran jo mampunyoi wilayah salaweh 3.732,97 km2. Ibu kota sabalunnyo kabupaten Asahan adolah Tanjung Balai, nan kemudiannyo mekarkan manjadi kota otonom.
| Kabupaten Asahan | |
|---|---|
 | |
| Nagara | Indonesia |
| Provinsi | Sumatera Utara |
| Ibu kota | Kisaran |
| Laweh | |
| • Total | 3.675,79 km2 (141,923 sq mi) |
| Panduduak (2010[1]) | |
| • Total | 668.272 |
| • Kapadatan | 1,8/km2 (4,7/sq mi) |
| Zona wakatu | WIB (UTC+7) |
| Situs web | http://www.pemkab-asahan.go.id/ |
Asahan marupoan kabupaten partamo di Indonesia nan mambantuak lembaga pengawas dinas umum nan banamo Ombudsman Daerah Asahan, malalui SK Bupati Asahan Nomor: 419-Huk/Tahun 2004, pado tanggal 20 Oktober 2004. Di zaman kolonial, wilayah iko disabuik sabagai Assaban dek urang Eropa. Pado taun 2021, panduduak Kabupaten Asahan adolah 777.626 jiwa.[4]
Sijarah
Awal dari sajarah Asahan dapek dikatokan dimulai dari pajalanan sultan Aceh, Sultan Iskandar Muda, ka Johor jo Malaka pado taun 1612. Salain itu, rombongan Sultan Iskandar Muda baranti di kawasan hulu sungai, nan kanduang dinamoi "Asahan". Pajalanan dilanjuikkan ka sabuah "Tanjung" nan marupoan patamuan antaro sungai Asahan jo sungai Silau, kamudian basuwo jo Raja Simargolang. Di tampek iko juo, Sultan Iskandar Muda mambangun palataran sabagai "balai" untuak tampek manghadok, nan kemudiannyo bakambang manjadi kampuang. Pakambangan daerah nan cukup pesat sabagai pusek patamuan padagangan dari Aceh jo Malaka mambuek inyo labiah dikenal jo namo "Tanjung Balai".[5]
Dari pakawinan Sultan Iskandar Muda jo salah satu puteri Raja Simargolang lahia anak laki-laki nan banamo Abdul Jalil nan manjadi cikal bakal dari kasultanan Asahan. Abdul Jalil dinobatkan sabagai Sultan Asahan I. Pemerintahan kesultanan Asahan dimulai pado taun 1630 sajak dilantiknyo Sultan Asahan nan I s.d. XI. Dalam pamarintahan daerah Asahan, pamarintahan juo dilakuan dek datuk-datuk di wilayah Batu Bara jo kamungkinan karajaan-karajaan ketek lainnyo.
Pado tanggal 22 September 1865, Kasultanan Asahan berhasil dikuasai Belanda. Sajak itu, kakuasaan pamarintahan dipegang dek Belanda. Kekuatan pamarintahan Balando di Tanjung Balai dipimpin dek surang Kontroler, nan dipakuek jo Gouverments Besluit pado 30 September 1867, Nomor 2 tantang pambangunan Afdeling Asahan nan bakadudukan di Tanjung Palai jo pambagian wilayah pamarintahan dibagi manjadi tigo, iolah:
- Onder Afdeling Batu Bara
- Onder Afdeling Asahan
- Onder Afdeling dari Batu Lawang.
Karajaan Sultan Asahan jo pamarintahan Datuk-Datuk di wilayah Batu Bara tatap diakui dek Belanda, namun indak bakuwaso sacaro panuah sarupo sabalumnyo. Daerah pamarintahan Kesultanan dibagi manjadi Distrik jo Onder Distrik, iyolah:
- Distrik Tanjung Balai jo Onder Distrik Sungai Kepayang.
- Distrik Kisaran.
- Distrik Bandar Pulau jo Onder Distrik Bandar Pasir Mandoge.
Samantaro wilayah pamarintahan Datuk-datuk di Batu Bara dibagi manjadi wilayah Self Bestuur, yaitu:
- Self Bestuur Indrapura
- Self Bestuur Lima Puluh
- Self Bestuur Pesisir
- Self Bestuur Suku Dua (Bogak dan Lima Laras).
Pamarintahan Balando berhasil ditundukkan Japang (tanggal 13 Maret 1942), sajak itu Pamarintahan Fasisme Japang disusun untuak menggantikan Pamarintahan Balando. Panguwaso Fasisme Japang dipimpin dek Lt. T. Jamada jo struktur pamarintahan Balando yaitu Asahan Bunsyu jo bawahannyo Fuku Bunsyu Batu bara. Salain itu, wilayah nan labiah ketek di bagi manjadi Distrik iyolah Distrik Tanjung Balai, Kisaran, Bandar Pulau, Pulau Rakyat jo Sei Kepayang. Panguwasoan Fasisme Japang taakhiri pado tanggal 14 Agustus 1945 jo 17 Agustus 1945 Kamardekaan Nagara Republik Indonesia diproklamasikan.
Manuruik kamajuan Ketatanaranegara Republik Indonesia, mako badasarkan UU Nomor 1 Tahun 1945, Komite Nasional Indonesia Wilayah Asahan dibantuak pado bulan September 1945. Panguwasoan nan dibantuak dek Japang pado wakatu itu indak ado lai, tapi pamarintahan Kesultanan jo pamarintahan Fuku Bunsyu di Batu Bara masih ado.[rujuakan?] Pado tanggal 15 Maret 1946, wilayah Asahan manjadi bagian dari struktur pamarintahan Republik Indonesia. Abdullah Eteng ditantukan sabagai kapalo wilayah jo bantuak dek Sori Harahap sabagai wakil kapalo wilayah.[6] Daerah Asahan dibagi manjadi limo Kewedanan, iyolah:
- Kewedanan Tanjung Balai
- Kewedanan Kisaran
- Kewedanan Batubara Utara
- Kewedanan Batubara Selatan
- Kewedanan Bandar Pulau.
Salain itu saban taun tanggal 15 Maret diingati sabagai Hari Jadi Kabupaten Asahan. Di Konferensi Pamong Praja se-Kresidenan Sumatera Timur pado bulan Juni 1946 dianakannyo panampek struktur pamarintahan, iyolah:
- Sebutan Wilayah Asahan diganti dengan Kabupaten Asahan
- Sebutan Kepala Wilayah diganti dengan sebutan Bupati
- Sebutan Wakil Kepala Wilayah diganti dengan sebutan Patih
Manuruik kaputusan DPR-GR Tk. II Asahan No. 3/DPR-GR/1963 tanggal 16 Februari 1963 diusuakan ibu kota Kabupaten Asahan dipindahan dari Kota Tanjung Balai ka kota Kisaran jo alasan supayo Kota Tanjung Balai labiah dapek mangambangakan diri jo juo tampek Kota Kisaran labiah strategis untuak wilayah Asahan. Hal iko baru ditargetan pado tanggal 20 Mei 1968 nan dipakuek dek Peraturan Pamarintah Nomor 19 Tahun 1980, Lembar Nagara Tahun 1980 Nomor 28, Tambahan Nagara Nomor 3166.
Pado taun 1982, Kota Kisaran ditantukan manjadi Kota Administratif badasarkan Paraturan Pamarintahan Nomor 17 Tahun 1982, Lembar Nagara Nomor 26 Tahun 1982. Jo dek adonyo Menteri Dalam Negeri Nomor 821.26-432 pado tanggal 27 Januari 1986 dibantuak Wilayah Kerja Bupati Bupati Asahan jo tigo wilayah Pembantu Asahan.
Manuruik Peraturan Menteri Dalam Negeri RI Nomor 4 Tahun 1981 jo Peraturan Daerah Tingkat I Sumatera Utara Nomor 5 Tahun 1983 tantang Pambentukan, Pambatuangan, Pembagian jo Penghapusan Desa di Daerah Tingkatan II Asahan alah dibuek 40 (ampek) Desa Persiapan jo Kelurahan Persiapan sabanyak 15 (limalas) nan tasebar di babarapo Kacamatan, nan penamatan definisiannyo dilaksanakan dek Kapalo Daerah Tingkek I Sumatero Utara pado tanggal 20 Februari 1997, sasuai jo Surat Keputusan Gubernur Kapalo Daera Tingkat I Sumatra Utara Nomor 146/2622/SK/Tahun 1996 pado tanggal 7 Agustus 1996.
Manuruik Kaputusan Gubernur Kapalo Daerah Tingkat I Sumatera Utara Nomor 138/ 814.K/Tahun 1993 pado tanggal 5 Maret 1993 alah tabantuak Pawakil Kacamatan di tigo Kacamatan, masing-masing sabagai barikuik:
- Perwakilan Kecamatan Sei Suka di Kecamatan Air Putih
- Perwakilan Kecamatan Sei Balai di Kecamatan Tanjung Tiram
- Perwakilan Kecamatan Aek Kuasan di Kecamatan Pulau Rakyat
Manuruik Surek Kaputusan Bupati Asahan no. 323 pado 20 September 2000 jo Peraturan Daerah Kabupaten Asahan no 28 pado 19 September 2000 alah manantukan tigo kacamatan perwakilan iyolah Kacamatan Sei Suka, Aek Kuasan jo Sei Balai manjadi kacamatan nan Definitif.
Rujuakan
- ↑ Hasil sensus penduduk tahun 2010 untuk provinsi Sumatera Utara di sp2010.bps.go.id
- ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli tanggal 29 Désémber 2018. Diakses tanggal 5 April 2024.
- ↑ "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli (PDF) tanggal 25 Oktober 2019. Diakses tanggal 5 April 2024.
- ↑ "Kabupaten Asahan Dalam Angka 2022" (pdf). www.asahankab.bps.go.id. hlm. 97, 170, 213. Diarsipkan dari versi asli tanggal 2022-03-19. Diakses tanggal 5 April 2024.
- ↑ (Indonesia) Sejarah singkat Asahan di situs Asahan.go.id Archived 2008-04-20 di Wayback Machine.
- ↑ Abdullah, dkk. (2021). Peta Dakwah: Dinamika Dakwah dan Implikasinya Terhadap Keberagamaan Masyarakat Muslim Sumatera Utara. Medan: Merdeka Kreasi. pp. 137. ISBN 978-623-6198-77-3. http://repository.uinsu.ac.id/13202/1/BUKU%20PETA%20DAKWAH%20FULL%20TEKS.pdf.
