Gusnaldi
Gusnaldi, bagala Sutan Nagari (lahia di Bukittinggi, Sumatera Barat, 25 Desember 1974; umua 49 taun) adolah saurang saniman tata rieh muko jo panulih Indonesia asa Minangkabau. Inyo adolah ahli tata rieh muko tanamo nan acok manangani rieh muko artis-artis tanamo di Indonesia.[1]
Gusnaldi | |
|---|---|
| Lahia | 25 Desember 1974 |
| Kabangsaan | Indonesia |
| Namo lain | Sutan Nagari (gala adaik) |
| Karojo | Seniman tata rieh muko, panulih |
| Dikana dek | Panata rieh artis tanamo |
| Pasangan | Desilawaty |
| Urang tuo | Bachtiar St. Rajo Ameh (ayah) Martius Ahmad (ibu) |
Riwayaik iduik
suntiangGusnaldi lahia pado tanggal 25 Desember 1974 di kota Bukittinggi, Sumatera Barat, anak paliang ketek dari anam basudaro dari pasangan H. Bachtiar St. Rajo Ameh (apak) jo Martius Ahmad (amak). Gusnaldi barasa dari kaluarga nan biaso-biaso sajo. Apaknyo bakarajo sabagai sopir di Pemda Kota Bukittinggi, sadangkan amaknyo adolah ibu rumah tanggo biaso.[2]
Karier
suntiangGusnaldi dikana sabagai salah saurang tukang rieh muko tanamo di Indonesia. Salain artis-artis Indonesia, inyo bahkan parnah marieh supermodel dunia banamo Linda Evangelista sarato aktris Hollywood jo mantan model badarah Korea banamo Kimora Lee Simmons.[3][4]
Di dunia fesyen, Gusnaldi alah bakarajo samo jo sajumlah parancang baju tanamo, tamasuak Biyan, Sebastian Gunawan, Edy Betty, dan lainnyo. Pado taun 2011, Gusnaldi tapiliah pulo sabagai brand ambassador Max Factor di Indonesia, nan barado di bawah naungan Pat McGrath, Global Cosmetic Creative Director Max Factor.[5]
Salain tukang rieh muko, Gusnaldi dikana pulo sabagai panulih buku. Inyo alah manabikan tujuah buku tantang tata rieh muko sarato duo buah novel.[6][7] Pado taun 2003, Gusnaldi manabikan buku partamonyo nan bajudul The Power of Make-up, nan bakarajo samo jo Dewi Sandra sarato Luna Maya sabagai modelnyo. Buku iko laku di pasaran, nan kamudian dicetak ulang babarapo kali, bahkan ditabikan pulo di Malaysia dalam bahaso Melayu. The Power of Make-up dikatoan sabagai buku partamo di Asia nan mambahas tantang dunia make-up artist nan ditulih dek ahli tata rieh muko.[3] Buku lain karangannyo nan bajudul The Masterpiece Make Up of Gusnaldi diluncuan pado taun 2014. Dalam buku iko, dibahas tantang macam-macam jenis tata rieh muko.[8]
Pado taun 2022, Gusnaldi mangambangkan kiprahnyo ka dunia tarik suaro dengan marilis lagu bajudul "Makan Hati". Lagu iko adolah lagu dalam bahaso Minang nan ditulih dek Ipank sarato diaransemen dek Iwan Romeo.[9]
Kahidupan pribadi
suntiangGusnaldi manikah jo saurang mantan reporter infotainment banamo Desilawaty pado tanggal 24 September 2004 di kota asanyo di Bukittinggi dalam prosesi sasuai adat Minangkabau. Dalam acaro tu, Gusnaldi diagiah gala Sutan Nagari dek sukunyo.[10]
Pandidikan
suntiangGusnaldi manamaikan pandidikan dasarnyo di SD Negeri 2 Bukittinggi, Sumatera Barat. Sadangkan pandidikan manangah inyo tampuah di kota nan samo, yaitu di SMP Negeri 4 Bukittinggi jo SLTA Don Bosco Bukittinggi. Satamek SMA, inyo marantau ka Jakarta untuak manampuah pandidikan tata rias di Puspita Martha International Beauty School.[1]
Karya tulih
suntiang- Tantang tata rias
- The Power of Make-up (2003)
- Celebrity Zoom Makeup
- Instant Make-up
- I Do: Bridal Make-up
- Love Eyes [7][11]
- The Masterpiece Make-up of Gusnaldi (2014) [6]
- Novel
- Pria Terakhir
- Cinta Luna [7]
Pangharagoan
suntiang- The Best Make-up Artist dari Presiden Abdurrahman Wahid (2000)
- The Phenomenal Make-up Artist dari Cosmopolitan Reader’s Choice Award [7]
Rujuakan
suntiang- ↑ a b "Resensi: I DO Bridal Make-Up, Teknik Tata Rias Gusnaldi". kompas.com. 28 Maret 2009. Diarsipkan dari versi asli tanggal 4 Maret 2016. Diakses tanggal 5 Januari 2024.
- ↑ "Gusnaldi Hidup Lagi Karena Bel Sepeda". tabloidnova.com. 29 April 2014. Diarsipkan dari versi asli tanggal 29 April 2014. Diakses tanggal 5 Januari 2024.
- ↑ a b "Gusnaldi dan The Power of Make-up". viva.co.id. 11 Mei 2017. Diakses tanggal 5 Januari 2024.
- ↑ "Gusnaldi Dibayar Mahal Mendandani Kimora". yahoo.com. 29 April 2014. Archived from the original on 29 April 2014. Diakses tanggal 5 Januari 2024.
- ↑ "Gusnaldi Brand Ambassador Max Factor Indonesia". okezone.com. 9 April 2011. Diakses tanggal 5 Januari 2024.
- ↑ a b "Gusnaldi Rilis Buku Tentang Cara Merias Wajah dengan Puluhan Karakter Berbeda" Archived 2016-03-04 di Wayback Machine. Detik.com, 14/4/2014. Diakses tanggal 5 Januari 2024.
- ↑ a b c d "Cosmopolitan Reader’s Choice Award Gusnaldi" Archived 2016-03-04 di Wayback Machine. Vemale.com. Diakses tanggal 5 Januari 2024.
- ↑ Gusnaldi Rilis The Masterpiece Make Up of Beauty. Okezone.com. Diakses 4 Januari 2024
- ↑ Seniman Gusnaldi rilis "Makan Hati" jelang luncurkan album. Antara. Diakses 3 Januari 2024
- ↑ "Gusnaldi, Adat Minang Plus Siraman" Archived 2014-05-01 di Wayback Machine. Indosiar. Diakses tanggal 5 Januari 2024.
- ↑ "Biografi Gusnaldi" Archived 2015-09-24 di Wayback Machine. Gramedia. Diakses tanggal 5 Januari 2024