Kemal Idris
Letjen. TNI (Purn.) Ahmad Kemal Idris (lahia di Singaraja, Bali, 10 Februari 1923 – maningga di Jakarta, 28 Juli 2010 pado umua 87 taun) adolah surang pajuang kamardekaan sarato tokoh tantara Indonesia. Baliau manjabat sabagai Pangkostrad pado taun 1967. Baliau-pun salah surang panandotangan Petisi 50.[1]
Ahmad Kemal Idris | |
|---|---|
| Lahia | 10 Februari 1923 |
| Maningga | 28 Juli 2010 (umua 87) |
| Kabangsaan |  Indonesia |
| Karojo | Tantara |
Karier tantara
suntiangKarier tantara dimulai jo manjadi Seinendan pado zaman Japang.[2] Kudian, baliau bagabuang dalam satuan tantara Jawa Barat, Divisi Siliwangi.[3] Kemal Idris maajak bagabuang pulo Poncke Princen, opsir Balando untuak bagabuang jo Indonesia.[2]
Puncak karier tantaranyo dicapai katiko manjadi Pangkostrad pado taun 1967. Salamo manjadi Pangkostrad baliau baparan gadang dalam mandukuang garakan mahasiswa nan manantang Orde Lamo.[2] Kudian baliau manjabat Panglimo Komando Antardaerah untuak Kawasan Indonesia Timur. Karier tarakhia Kemal di tantara adolah Panglimo Komando Wilayah Patahanan (Pangkowilhan) jo pangkek letnan jenderal.[2]
Diplomat jo pangusaha
suntiangSasudah pansiun dari karier tantara, pado September 1972 baliau ditugehan untuak manjadi duta basa Indonesia untuak Yugoslavia marangkap untuak Yunani.[3] Sasudah itu baliau manjadi pangusaha lalu digalai "Jenderal Sampah", karano mangalola usaho pananggulangan sampah.[3] Kemal Idris giat pulo di Barisan Nasional (Barnas).[1]
Maningga
suntiangAhmad Kemal Idris maningga dunia pado pukua 03.30 WIB, 28 Juli 2010, karano komplikasi panyakik sarato infeksi paru-paru.[1][3] Baliau dimakaman sacaro tantara di Taman Makam Majelis Taklim Raudatus Salihin, Citapen, Bogor.[4]
Rujuak-an
suntiang- ↑ a b c Tokoh Petisi 50 Letjen Purn Kemal Idris Meninggal Dunia, diakses pado 28 Juli 2010.
- ↑ a b c d Bertarung Dalam Revolusi Archived 2010-09-11 di Wayback Machine., diakses pado 28 Juli 2010.
- ↑ a b c d Mantan Pangkostrad Kemal Idris Wafat, diakses pado 28 Juli 2010.
- ↑ Kemal Idris Dimakamkan Secara Militer, diakses pado 28 Juli 2010.
Pautan lua
suntiang- Profil di Tokoh Indonesia Archived 2010-09-11 di Wayback Machine.
- 6 Jenderal berani tantang kediktatoran Soeharto
