Bahaso Bangka
| Malayu Bangka | |
|---|---|
| Bahasa Bangka | |
| Ditutuakan di | Indonesia |
| Rantau | Pulau Bangka |
| Jumalah panutua | 340.000 (2000) (indak ado tanggal) |
| Rumpun bahaso | Austronesia
|
| Kode-kode bahaso | |
| ISO 639-3 | mfb |
Bahaso bangka adolah bahaso nan ditutuaan dek urang pulau Bangka, Kapulauan Bangka Belitung. Bahaso ko tamasuak dalam rumpun bahaso Malayu. Bahaso ko bafungsi sabagai alaik komunikasi sahari-hari masyarakaik Bangka sarato panando atau identitas daerah Provinsi Kapulauan Bangka Belitung.
Dialek
[suntiang | suntiang sumber]Ado limo dialek utamo dalam bahaso ko di antaronyo[1]: dialek Sungailiat (di tangah Kabupaten Bangka), dialek Muntok (Kabupaten Bangka Barat), dialek Toboali (Kabupaten Bangka Selatan), dialek Belinyu (di timur Kabupaten Bangka), jo dialek Pangkal Pinang (di tangah Pulau Bangka).[2] Manuruik informasi dari Dinas Kabudayaan Provinsi Kapulauan Bangka Belitung, panutua bahaso Bangka mancapai 340.000 pado taun 2000 lalu. Ado kamungkinan, angko-angko tu maningkek dek payahnyo mandapek data - data di lapangan.
Sacaro sapinteh dialek bahaso Bangka hampia sarupo jo bahaso Betawi dari Jakarta. Namun, kok ditaliti labiah lanjuik manuruik tiok tiok daerah di Bangka Belitung, mako nampak jaleh babeda. Walau masih juo sarumpun bahaso Malayu.
Dialek Belinyu mampunyoi dialek nan labiah totok manggunokan akhiran “O”. Contohnyo, nek kemano, apo, siapo, dimano dan sabagainyo nan ampia sarupo jo baso Palembang. Namun indak sadoalah huruf vokal baganti manjadi “O”.
Samantaro Bangka Selatan labiah arek jo akhiran “E” lamah sarato parubahan lafal “S” dalam bahaso Malayu umumnyo manjadi “H”. Contohnyo, “Sabun” manjadi “Habun”. Kok kalimaik “mandi tidak menggunakan sabun” ditajamahan, mako bahaso Bangka dialek selatan manjadi “mandik dak behabun“.
Samantaro bahaso Bangka dialek Kota Pangkalpinang, dialeknyo labiah dominan manggunoan huruf “e” kareh sarupo bahaso Betawi Jakarta. Bahaso ko canduang sarupo bahaso Malayu pado umumnyo, tapi bahaso ko mangubah panyabuikan huruf ‘e’ lunak manjadi ‘E’ kareh.[3].
Contoh kato
[suntiang | suntiang sumber]| A | B | C |
|---|---|---|
| Asak : asa
Aok : suai atau iyo Antu : Antu Anter : anta Alem : cari paratian Ape : apo Asuk : anjiang Apetah : manga |
Bandar : Banda
Basing : tasarah Be : ba Basenglah : tasarahlah Begagil : Bagarah Bilung : talingo Biting : samek |
Cuman : anyo
Carik : cari Camui : lubang galian bakeh tambang timah Cikar : rancak Cion : rancak Cuman Cuma : hanyo Cak - cak : icak-icak |
| R | S | U |
| Rase : raso
Renyek : nio Retak : paduli Ringem : maraso taganggu Rubung : mangarumuni Rungang : gigi ompong Runges : baleak Rumeh : bisiang |
Sak : sarupo
Sorong : dorong Sape : siapo Sikok : satu Sangking : talampau sumangek Sape : siapo Sarak : carai Saro : suliik |
Urang : urang
Upis : gulo-gulo Umon : bana Umong : kecekan Uman : saroman Umah : rumah Udik : mudiak |
Contoh kecek
[suntiang | suntiang sumber]| Bahaso Minang | Bahaso Bangka |
| Denai cinto adiak, adiak lai katuju jo denai? | Ku nek kek ka, ka nek dak kek ku ? |
| Buk, bali talua 1 butir sajo | Bu, nek beli telok sikok bai |
| Beko wak dapek ka rumah sanak | Ku pacakla ka ruma ikak kelak e |
| Baa kalian ko? | Cemane ikak ni? |
| Wak ka sinan dulu dih | Ku kesanin luk og |
| Denai cinto adiak | Ku nek kek ka |
| Sanak ka pai kama? | Ka nek pegi kemane? |
Pautan lua
[suntiang | suntiang sumber]- (Inggirih) Bahaso Bangka di Ethnologue
- (Indonesia) belajar bahasa bangka, zonabangkabelitung.blogspot.com, diakses pado tanggal 25 Maret 2019 jam 20.05 WIB
Rujuakan
[suntiang | suntiang sumber]- ↑ Media, Kompas Cyber. "Masyarakat Melayu Bangka Miliki Lima Dialek Bahasa". KOMPAS.com (dalam bahasa Indonesia). Diakses tanggal 2019-03-28.
- ↑ Silahidin, S. (1991). Ragam dan dialek bahasa Melayu Bangka. Departemen Pendidikan dan Kebudayaan.
- ↑ (Indonesia) Bahasa Bangka Archived 2022-09-12 di Wayback Machine., aoglamedia.com, diakses pada tanggal 28 Maret 2019 jam 07.45 WIB
