Онхоцеркијаза
| Онхоцеркијаза | |
|---|---|
| Синоними | Речно слепило, Роблесова болест |
 | |
| Возрасна црна мува со паразит Onchocerca volvulus кој излегува од антената на инсектот, зголемено 100x | |
| Специјалност | Инфектологија |
| Симптоми | Чешање, поткожни нодули, слепило[1] |
| Причинители | Onchocerca volvulus пренесен од црна мува[1] |
| Спречување | Избегнување на убоди (употреба на репеленти, соодветно облекување)[2] |
| Лекови | Ивермектин, доксициклин[3][4] |
| Честота | 15.5 милиони (2015)[5] |
 | Ве молиме, обрнете внимание на ова важно предупредување во врска со темите од областа на медицината (здравјето). |
Онхоцеркијаза, позната како речно слепило и Роблесова болест, е болест предизвикана од инфекција со нематоден црв Onchocerca volvulus.[1] Симптомите вклучуваат неподносливо чешање, поткожни грутки и слепило.[1] Ова е втор најчест причинител за слепило кој се должи на инфекција по трахомата.[6]
Околу 15.5 милиони луѓе во светот имаат речно слепило.[5]
Причинител и дијагноза
[уреди | уреди извор]Нематодниот црв се пренесува преку убоди од црна мува од родот Simulium.[1] Потребни се повеќе убоди пред да настане инфекцијата.[7] Мувите живеат покрај реките, па оттаму доаѓа името на болеста.[6] Кога ќе влезе во човекот, црвот создава ларва која излегува на површината од кожата.[1] На овој начин ќе ја инфицира следната црна мува која ќе му направи убод на човекот.[1] Постојат повеќе начини за дијагноза, вклучувајќи: биопсија на кожата со нормален физиолошки раствор и чекање ларвата да излезе и проверка на очите за појава на ларви, и преглед на поткожните грутки за присуство на возрасни црви.[8]
Превенција и лекување
[уреди | уреди извор]Не постои вакцина против болеста.[1] Превенцијата вклучува избегнување на убоди од муви.[2] Тука може да се опфати употребата на средство против инсекти и соодветна облека.[2] Потоа, се прави напор да се намали популацијата на муви со прскање инсектициди.[1] Со лекување на цели групи луѓе двапати годишно се прави напор да се отстрани болеста на неколку места во светот.[1] Заразените се лекуваат со лекот ивермектин, кој се дава на секои шест до дванаесет месеци.[1][3] Лекот ги уништува ларвите, но не и возрасните црви.[4] Лекот доксициклин, кој ги убива поврзаните бактерии наречени Wolbachia, ги ослабува црвите, па некои го препорачуваат за употреба.[4] Можно е и хируршко отстранување на поткожните грутки.[3]
Епидемиологија и историја
[уреди | уреди извор]Од 17 до 25 милиони луѓе се заразени со речно спелипо, а околу 800.000 луѓе делумно го имаат изгубено видот.[4][7] Повеќето инфекции се појавуваат во Екваторска Африка, но има и пријавени случаи во Јемен и во изолираните области на Централна и Јужна Америка.[1] Во 1915 година, докторот Родолфо Роблес бил првиот кој го поврзал црвот со очната болест.[9] Во Светската здравствена организација ја нарекуваат запоставена тропска болест.[10]
Наводи
[уреди | уреди извор]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 „Onchocerciasis Fact sheet N°374“. World Health Oragnization. March 2014. Посетено на 20 March 2014.
- ↑ 2,0 2,1 2,2 „Onchocerciasis (also known as River Blindness) Prevention & Control“. Parasites. CDC. May 21, 2013. Посетено на 20 March 2014.
- ↑ 3,0 3,1 3,2 Murray, Patrick (2013). Medical microbiology (7. изд.). Philadelphia: Elsevier Saunders. стр. 792. ISBN 9780323086929.
- ↑ 4,0 4,1 4,2 4,3 Brunette, Gary W. (2011). CDC Health Information for International Travel 2012 : The Yellow Book. Oxford University Press. стр. 258. ISBN 9780199830367.
- ↑ 5,0 5,1 GBD 2015 Disease and Injury Incidence and Prevalence, Collaborators. (8 October 2016). „Global, regional, and national incidence, prevalence, and years lived with disability for 310 diseases and injuries, 1990-2015: a systematic analysis for the Global Burden of Disease Study 2015“. Lancet. 388 (10053): 1545–1602. doi:10.1016/S0140-6736(16)31678-6. PMC 5055577. PMID 27733282.
- ↑ 6,0 6,1 „Onchocerciasis (also known as River Blindness)“. Parasites. CDC. May 21, 2013. Посетено на 20 March 2014.
- ↑ 7,0 7,1 „Parasites – Onchocerciasis (also known as River Blindness) Epidemiology & Risk Factors“. CDC. May 21, 2013. Посетено на 20 March 2014.
- ↑ „Onchocerciasis (also known as River Blindness) Diagnosis“. Parasites. CDC. May 21, 2013. Посетено на 20 March 2014.
- ↑ Lok, James B.; Walker, Edward D.; Scoles, Glen A. (2004). „9. Filariasis“. Во Eldridge, Bruce F.; Edman, John D.; Edman, J. (уред.). Medical entomology (Revised. изд.). Dordrecht: Kluwer Academic. стр. 301. ISBN 9781402017940.
- ↑ Reddy M, Gill SS, Kalkar SR, Wu W, Anderson PJ, Rochon PA (October 2007). „Oral drug therapy for multiple neglected tropical diseases: a systematic review“. JAMA. 298 (16): 1911–24. doi:10.1001/jama.298.16.1911. PMID 17954542.CS1-одржување: повеќе имиња: список на автори (link)
Надворешни врски
[уреди | уреди извор]| Класификација | |
|---|---|
| Надворешни извори |
| ||||||||||||||