Хидроксил или хидроксилна група во хемијата означува молекула составена од кислороден и водороден атом поврзани со ковалентна врска (единечна врска). Неутралната форма се нарекува хидроксилен радикал, додека хидроксилниот анјон е хидроксид. Кога кислородниот атом е поврзан за поголема молекула, хидроксилната група станува функционална група (OH). Хидроксидот (HO¯ или ¯OH анјон) е повеќеатомски јон со негативен полнеж. Хидроксидниот анјон е база и се користи за припрема на раствори или базни соединенија.
