കുനാർ നദി

കുനാർ നദി (ഉർദു, പഷ്തു: کونړ سيند), - ചിത്രാൾ നദി എന്നും (چترال سيند) കാമാ നദി (کامه سيند) എന്നും അറിയപ്പെടുന്നു. ഈ നദി വടക്കൻ ഖൈബർ പഖ്തുൻഖ്വയിൽ സ്ഥിതി ചെയ്യുന്നതും അഫ്ഘാനിസ്ഥാനിലൂടെയും പാകിസ്താനിലൂടെയും ഒഴുകുന്ന 480 കിലോമീറ്റർ നീളമുള്ള ഒരു നദിയാണ്. ഈ നദീതടമേഖലയെ ജലസമ്പുഷ്ടമാക്കുന്നത് ഹിന്ദുക്കുഷ് പർവ്വതനിരകളിൽ നിന്ന് ഉരുകിയെത്തുന്ന ഹിമാനികളാണ്. സിന്ധു നദീതടമേഖലയെയും ഇവിടെ നിന്നുള്ള ജലം പരിപോഷിപ്പിക്കുന്നു.

Kunar (کونړ سيند)
Chitral, Mastuj, Kama
River
രാജ്യം	Pakistan, Afghanistan
province	Khyber Pakhtunkhwa, Nuristan, Kunar, Nangarhar
പോഷക നദികൾ
- ഇടത്	Shishi River
- വലത്	Lotkoh River, Landai Sin River, Pech River
സ്രോതസ്സ്	Hindu Kush Mountains
അഴിമുഖം	Kabul River
- സ്ഥാനം	Jalalabad
നീളം	480 കി.മീ (298 മൈ)
നദീതടം	2,600 കി.m2 (1,004 ച മൈ)

ഉത്ഭവവും മുന്നോട്ടുള്ള ഗതിയും

ഹിന്ദുക്കുഷ് പർവ്വത നിരകളിലെ ചിത്രാൾ, ഖൈബർ പഖ്തുൻഖ്വ എന്നിവിടങ്ങളിൽ നിന്നാണ് ഈ നദി ഉത്ഭവിക്കുന്നത്. താഴേയ്ക്കുള്ള ഗതിയിൽ ഈ നദി മസ്തുജ് എന്നറിയപ്പെടുന്നു. ഇവിടെ നിന്നുള്ള പ്രയാണത്തിൽ നദി വടക്കെ ദിക്കിൽ ചിത്രാൾ മേഖലയിലെ ലോട്കോ നദിയുമായി ലയിക്കുന്നു. അഫ്ഘാനിസ്ഥാനിലെ കുനാർ താഴ്വരയിലെത്തുന്നതിനു തൊട്ടുമുമ്പ് ഈ നദി ചിത്രാൾ എന്നറിയപ്പെടുന്നു. പിന്നീട് ചാഗ സരയിൽ വച്ച് പെച്ച് നദിയുമായി സന്ധിക്കുന്നു. അഫ്ഘാനിസ്ഥാനു കിഴക്കുള്ള ജലാലാബാദിൽവച്ച് ഈ നദി കാബൂൾ നദിയിൽ ലയിക്കുന്നു. കാബൂള് നദി വീണ്ടും കിഴക്കോട്ടൊഴുകി പാകിസ്താനിലെത്തി ഖൈബർ ചുരം വഴി അറ്റോക്കിനു സമീപം അവസാനമായി സിന്ധു നദിയിലെത്തിച്ചേരുന്നു.