Цөмийн реакторын хамгаалалтын барилга
Хамгаалалтын барилга гэдэг нь цөмийн реакторыг агуулж дотоод ба гадаад эрсдэлээс хамгаалдаг, тусгай зузаан бэхжүүлсэн хана, таазтай барилга юм. Энэ барилга нь реакторт ямар нэгэн зүйл тохиолдвол цацрагийг гадагшлуулахгүйн тулд реакторын эргэн тойронд хамгаалж бүрхэж баригддаг. Хамгаалалтын барилга нь цацрагийг хүрээлэн буй орчинд нэвтрэхээс хамгаалах хамгийн сүүлийн саад юм. Цөмийн реакторыг хадгалах байгууламж систем нь хэмжээ, хэлбэр, ашигласан материал, аюулыг дарах ажиллагаагаараа ялгагдана. Эрсдэлийг намжаах арга хэмжээний төрөл нь реакторын төрөл, реакторын үйлдвэрлэсэн он, станцын тодорхой хэрэглээнээс хамаарна.
Цөмийн хамгаалалтын давхаргууд
Хамгаалалтын эхний давхарга нь ураны ислийн идэвхгүй, керамик чанар юм. Хоёр дахь давхарга нь түлшний савааны агаар нэвтрэхгүй цирконы хайлш юм. Гурав дахь давхарга нь арав гаруй сантиметр зузаантай гангаар хийсэн реакторын даралтат сав юм. Дөрөв дэх давхарга нь даралтад тэсвэртэй, агаар нэвтрэхгүй хамгаалалтын барилга юм. Тав дахь давхарга нь реакторын эргэн тойрон дахь тусгаарлах бүс юм. Аливаа онцгой байдлын үед цацраг идэвхт уур эсвэл хийн ялгаралтыг 275-550 кПа (40-80 psi) хүртэл хамгийн их даралтыг тэсэхэд 1-4-р давхаргуудын үүрэг оршино.