Landkreis Cuxhoben

De Landkreis Cuxhoben is en Landkreis in Neddersassen. He hett 198.670 Inwahners (Stand 31. Dezember 2016).

Wapen/Flagg

Koort

Basisdaten

Sitt:

2.072,57 km²

198.670 (31. Dezember 2016)

Inwahnerdicht:

95,9 Inwahners pro km²

Geograafsche Laag:

53° 37′ N, 8° 49′ O

Grenzen bi OSM:

3500495

Kennteken:

CUX

Kreisslötel:

03352

Gemenen in’n Kreis:

29

Landraad:

Kai-Uwe Bielefeld (ahn Partei)

Websteed:

www.landkreis-cuxhaven.de/

NUTS-Code:

DE932

Geografie

De Landkreis Cuxhoben liggt twüschen de Münnen von Elv un Werser in’n Noordwesten von dat Elv-Werser-Dreeeck.

Na Oosten to grenzt de Kreis an’n Landkreis Stood, in’n Süüdoosten an’n Landkreis Rodenborg un in’n Süden an’n Landkreis Oosterholt. In’n Westen liggt de Stadt Bremerhoben, de to dat Bundsland Bremen tohöört, un de Landkreis Wersermasch güntsied de Werser. In’n Noordoosten op dat annere Över von de Elv liggt de Kreis Dithmarschen in Sleswig-Holsteen.

Historie

De Landkreis is an’n 1. August 1977 grünnt worrn, as de Kreise Wersermünn un Hadeln mit de Stadt Cuxhoben to en ne’en Kreis tohoopslaten worrn sünd.

Kort na de Fusion hett de Kreisdag beslaten, en neet Kreishuus in de Vincent-Lübeck-Straat to boon. De Boarbeiden hebbt 1981 anfungen un 1984 is dat Kreishuus trech worrn. 500 Lüüd doot in dat Gebüüd arbeiden.

Baas von de Kreisarchäologie is siet Januar 2018 Andreas Hüser, as Nafolger von Matthias Schön.

Wapen un Flagg

Dat Wapen wiest op gollen Grund den Hilligen Bischop Nikolaus, in gröön Ornat mit sülvern Rannen, sülvern Schoh un sülvern Krummstaff, den sien Krümm in en gröön Roos mit veer Bläder ennt. De Hillige hett de rechte Hand to’n Segen böhrt, hett sülvern Hoor un Gesicht un Hannen in de Klöör von Fleesch. De Schildfoot ünnen is wellenförmig deelt baven rood un ünnen sülver.

De Schildfoot stammt ut dat Wapen von’n olen Kreis Wersermünn, de Hillige Nikolaus ut dat Wapen von Hadeln. Dat Wapen is an’n 29. März 1979 von’n Kreisdag beslaten worrn.

De Flagg wiest dat Wapen in de Midd op en baven grönen un ünnen witten Grund.

Politik

Kreisdag

Kreisdag
Johr \ Partei	Tall	CDU	SPD	FDP	Gröne	Linke	FW	Börgerfrakschoon
2001	63	32	25	2	3			1
2006	62	29	24	3	3	1		2
2011	58	23	22	1	7	1	3	1
2016	58	23	20	2	5	2	1

Liddmaten

2016:
As Landraad: Kai-Uwe Bielefeld

CDU: Jörg-Andreas Sagemühl, Bernd Beckmann, Lars Behrje, Frank Berghorn, Christiane Buck, Hinrich Bühring, Thomas Bullwinkel, Felix Diekmann-Lange, Hans-Volker Feldmann, Enak Ferlemann, Claus Götjen, Manfred Knust, Rainer Müller, Patrick Pawlowski, Axel Quast, Thiemo Röhler, Manfred Schmitz, Richard Schütt, Claus Seebeck, Astrid Vockert, Christoph Werde, Lasse Weritz, Jochen Wrede

SPD: Martin Bensen, Ulla Bergen, Gunnar Böltes, Uwe Dubbert, Oliver Ebken, Annette Faße, Christian Grüter, Elke Jährling, Claus Johannßen, Ullrich Köster, Henry Kowalewski, Gerold Piastowski, Susanne Puvogel, Hendrik Rehm, Uwe Santjer, Margret Schwittek-Ostermann, Jan Tiedemann, Gerhard Tienken, Gunnar Wegener, Andreas Wichmann

FDP: Carsten Nickel, Marco Rützel

Gröne: Sabine van Gemmeren, Marianne Peus, Heino Runge, Eva Viehoff, Christian Wolf

Linke: Dietmar Buttler, Jens Krautscheidt

FW: Rüdiger Kurmann

AfD: Armin Brausendorf, Oliver Dietrich, Anton Grunert, Jens Posny, Peter Würdig

Landrääd

Landraad	Partei	Tied
Martin Steffens	CDU	1977–1991
Martin Döscher	CDU	1991–2004
Kai-Uwe Bielefeld	ahn Partei	2004–

Böverkreisdirekters

1977-1992: Jürgen Prieß
1992-2004: Johannes Höppner

Kultur

1977 hett de Landkreis Cuxhoben de Patenschop von’n Landkreis Land Hadeln för den Kreis Labiau in Oostprüßen övernahmen. Dat heet, dat de Landkreis sik insett för dat Wohren von de Kultur un Geschicht von de Lüüd, de na’n Tweten Weltkrieg ut’n Kreis Labiau flücht un verdreven worrn sünd un sik in de Kreisgemeenschop Labiau tohoopslaten hebbt. De Landkreis Land Hadeln harr disse Patenschop 1952 övernahmen.

Städer un Gemenen

Laag von Landkreis Cuxhoben in’n Landkreis Cuxhoben (Koort lett sik anklicken)

Inwahners an’n 31. Dezember 2015.

Eenheitsgemenen

Bevers (13.503)
Cuxhoben, Stadt (48.264)
Geestland, Stadt (30.936)
Gemeen Hagen (10.991)
Lox (15.980)
Schippdörp (14.095)
Wuster Noordseeküst (16.965)

Samtgemenen mit jemehr Gemenen

* Sitt von de Verwaltung

Samtgemeen Loomst (6052)
- Armsdörp (646)
- Hollnseth (898)
- Loomst * (3349)
- Mittelsnohn (601)
- Stinst (558)

Samtgemeen Hemmoor (14.189)
- Heckthusen (3500)
- Hemmoor, Stadt * (8861)
- Oosten (1828)

Samtgemeen Land Hadeln (27.128)
- Belen (838)
- Bülkau (884)
- Godshem (497)
- Helmworth (1588)
- Kumbarg (4126)
- Neehuus, Flecken (1186)
- Ne’enkarken (1378)
- Lee (1084)
- Öberndörp (1359)
- Oosterbrook (520)
- Oterndörp, Stadt * (7230)
- Steenau (845)
- Wannen (2179)
- Wingst (3414)

Weertschop un Infrastruktur

Verkehr

Dör den Landkreis Cuxhoben geiht de Autobahn 27, de in’n Süden na’n Landkreis Oosterholt un na Bremen geiht un in’n Noorden bi Cuxhoben ennt. Annere wichtige Straten sünd de Bundsstraat 437, de in’n Westen von de A27 dör den Wersertunnel na’n Landkreis Wersermasch geiht, de Bundsstraat 73, de bi Cuxhoben anfangt un dör den Noordoosten von’n Landkreis na’n Landkreis Stood un na Hamborg hen löppt, de Bundsstraat 495, de den Noordoosten von’n Landkreis Cuxhoben mit Bremervöör un de Elvfähr Wischhoben-Glückstadt verbinnt, un de Bundsstraat 71, de den Süden von’n Landkreis Cuxhoben üm Beverst rüm mit Bremerhoben, Bremervöör un Oosterholt-Scharmbeek verbinnt.

De Landkreis Cuxhoben is as Dreger tostännig för üm un bi 456 Kilometer Kreisstraten un 133 Kilometer Radweeg (Kreisstraten in’n Landkreis Cuxhoben).

Polizei

De Landkreis Cuxhoben billt binnen de Polizeidirekschoon Ollnborg von de Polizei Neddersassen de Polizeiinspekschoon Cuxhoben. De Polizeiinspekschoon in Cuxhoben, dat Polizeikommissariat Hemmoor, dat Polizeikommissariat Langen in Debst un dat Polizeikommissariat Schippdörp sünd 24 Stünnen an’n Dag besett. De annern Polizeistatschonen hebbt blots in de Week to normale Warktieden apen. Polizeistatschonen gifft dat in: Olenwoold, Helmworth, Noordholt, Oterndörp, Kumbarg, Loomst, Dorum, Langen, Beers, Lox, Beverst un Hagen.

De Noodrööp ünner de Telefonnummer 110 kaamt in de Insatzleidstell in Cuxhoben an un warrt von dor an de tostännigen Deenststellen wiedergeven.

Dat Polizeikommissariat Langen is för de Autobahn 27 in’n Landkreis Cuxhoben tostännig.

Bi de Polizeireform 2004 hett de Polizeiinspekschoon Cuxhoben ok noch dat Polizeikommissariat Braak (Landkreis Wersermasch) biornt kregen. De Polizeiinspekschoon hett denn Cuxhoben/Wersermasch heten. Dat is to’n 1. Januar 2014 aver wedder trüggännert worrn. De Wersermasch höört nu bi de Polizeiinspekschoon Demost/Ollnborg-Land/Wersermasch.

Weblenken

Landkreis Cuxhoben. Mehr Biller, Videos oder Audiodateien to’t Thema gifft dat bi Wikimedia Commons.

Websteed von’n Landkreis (hoochdüütsch)

Landkreisen un kreisfre’e Städer in Neddersassen