Martha-Luise Lessing
Martha-Luise Lessing (Marlou Lessing; * 6. April 1964 in Hamborg) is en plattdüütsche Schrieversche.
Lessing is 1964 in Hamborg boren. Ehr Öllern sünd denn na Trappenkamp tagen, wo se ok opwussen is. Na dat Abitur in Sebarg hett se in Hamborg Physik studeert un ehr Diplom maakt. Lessing arbeidt nu as EDV-Lehrersch un leevt in Trappenkamp. Vun 2010 bit 2014 weer se ok Maat von’n Plattdüütschen Raat för Sleswig-Holsteen.
2005 hett se tohoop mit Heinke Hannig un Diedrich H. Schmidt den Freudenthal-Pries kregen un 2010 mit de Geschicht Buten Finster den eersten Pries bi Vertell doch mal. 2015 hett se den Freudenthal-Pries opnieg kregen, tosamen mit Willi Höfig för ehr gemeenschaplich Wark „Dat grote Speel. Renshi“. 2019 weer se Priesdrägersche vun’n Klaus-Groth-Pries. Siet 2015 is Lessing Verlegersche för Literatuur op Platt un ok op Hoochdüütsch. Ünner annern hett se as Översettersch ok Sonetten von Shakespeare un Schiller sien Leed vun de Klock in Platt överdragen.
2022 kreeg se den Hans-Henning-Holm-Pries för De Reis na Fa.
Weblenken
ännern- Översicht över de Warken vun Lessing, de online to lesen sünd (plattdüütsch)
- Plattpartu.de: plattdüütsche Texten to allerhand Themen (plattdüütsch)
- Numanto.de: plattdüütsche Riemels von Lessing (plattdüütsch)
- Vertelln.de: plattdüütsche Vertellen (plattdüütsch)
- verlag.marless.de: Verlag mit Warken vun Lessing (plattdüütsch)