Ooldwist
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 6,71 km² | |
| Inwahners: | ||
| Postleettall: | 27616 | |
| Vörwahl: | 04747 | |
| Geograafsche Laag: | Koordinaten:53° 25′ N, 8° 55′ O53° 25′ N, 8° 55′ O | |
|
| ||
Ooldwist (hoochdüütsch Altwistedt) is en Dörp in de Gemeen Beverst in’n Landkreis Cuxhoben, Neddersassen.
Geografie
[ännern | Bornkood ännern]An de Süüdwestkant von dat Dörp flütt de Ooldwister Luun langs, de denn so 1,5 Kilometer in’n Noordwesten von dat Dörp bi Karkwist in de Luun münnt.
De Naveröörd sünd Horst in’n Noorden, Volkmarst in’n Noordoosten, Brillit in’n Oosten, Kuhs un Gnarrenborg in’n Süüdoosten, Siedlung Kuhs in’n Süden, Ah un Helljes in’n Süüdwesten, Wellen in’n Westen un Stemmermöhlen un Karkwist in’n Noordwesten.
Historie
[ännern | Bornkood ännern]In’n Eersten Weltkrieg sünd veer Soldaten ut Ooldwist fullen oder vermisst un in’n Tweten teihn[1].
De Oort hett vör 1851 to dat Gericht Beverst tohöört un denn von 1851 bet 1859 to dat Amt Beverst. 1859 is de Oort mit dat ganze Kaspel Karkwist an dat Amt Bremervöör wesselt. 1885 is Oldwist Deel von’n Kreis Bremervöör worrn.
Dat Dörp is 1939 tohoop mit Ah Deel von de Gemeen Karkwist worrn, wat aver to’n 1. Oktober 1949 wedder trüggännert worrn is.[2] An’n 1. März 1974 sünd Ooldwist, Karkwist un Ah denn aver doch wedder tohoopleggt worrn. Ooldwist is dorbi von’n Landkreis Bremervöör in’n Landkreis Wersermünn wesselt. An’n 1. November 2011 is de Gemeen Karkwist denn Deel von de ne’e Gemeen Beverst worrn. Bi de Kreisreform 1977 is de Landkreis Wersermünn in’n Landkreis Cuxhoben opgahn.
Inwahnertall
[ännern | Bornkood ännern]| Johr | Inwahners |
|---|---|
| 1824[3] | 16 Füürsteden |
| 1848[4] | 114 Lüüd, 18 Hüüs |
| 1. Dezember 1910[5] | 112 |
| 1. Oktober 1949[2] | 199 |
Religion
[ännern | Bornkood ännern]Ooldwist is evangeelsch-luthersch präägt un höört to dat Kaspel Karkwist.
Kultur
[ännern | Bornkood ännern]In Ooldwist steiht en Denkmaal för de Fullenen ut de twee Weltkrieg’.
Verenen
[ännern | Bornkood ännern]Ooldwist hett en egen Schüttenvereen. De Freewillige Füürwehr is 1933 grünnt worrn.
Infrastruktur
[ännern | Bornkood ännern]Verkehr
[ännern | Bornkood ännern]Ooldwist liggt an de Landsstraat 122, de in’n Noordwesten in Karkwist an de Bundsstraat 71 ran löppt un in’n Süüdoosten in Kuhs an de B 74 ran. Ans gifft dat lüttjere Straten na Stemmermöhlen, Volkmarst, Brillit, Ah un Wellen.
De nächste Bahnhoff is de Bahnhoff Stubben an de Bahnlien Bremen–Bremerhoben, de so teihn Kilometer in’n Westen liggt.
Footnoten
[ännern | Bornkood ännern]- ↑ http://www.denkmalprojekt.org/2008/kirchwistedt-altwistedt_wk1u2_ns.htm
- ↑ a b Neues Archiv für Niedersachsen. Band 3, W. Dorn, 1949, Sied 871
- ↑ C. H. Jansen: Statistisches Handbuch des Königreichs Hannover. 1824, Sied 18: http://books.google.de/books?id=tG0AAAAAcAAJ&pg=PA18
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 148: http://books.google.de/books?id=eOI-AAAAcAAJ&pg=PA148
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm