अकिमनिद साम्राज्य

अकिमनिद साम्राज्य वा प्रथम पारसी साम्राज्य (पश्चिमी इतिहासकारतेसं ब्यूगु नां) ( पुलां पारसी: 𐎧𐏁𐏂 वा 'ज़ासा') (५५०-३३० ईसा पूर्व) पश्चिमी एशियाय् दूगु छगू प्राचीन पारसी साम्राज्य ख। थ्व साम्राज्यया पलिस्था ५५० ईसा पूर्वय् साइरस महानं यानादीगु ख। जर्क्सेस प्रथमया शासनकालय् थ्व साम्राज्य थःगु दकलय् चकंगु सीमा तक थ्यन। थ्व इलय् थ्व साम्राज्यया पश्चिमय् क्रीमिया प्रायद्वीप, बाल्कन व पूर्वी यूरोप निसें पूर्वय् सिन्धु स्वनिगः तक थ्यन। थ्व साम्राज्य अबिलेया हलिंया दकलय् तःधंगु साम्राज्य खः। थ्व साम्राज्यया कुल क्षेत्रफल ५.५ मिलियन वर्ग किलोमीटर (२.१ मिलियन वर्ग माइल) दयाच्वन। थ्व नापं थ्व साम्राज्ययात हलिंया न्हापांगु महाशक्ति धका नं म्हसीकिगु या। थ्व साम्राज्यया पतन अलेक्जेन्दरया हमलां जुल।

𐎧𐏁𐏂
Xšāça
अकिमनिद साम्राज्य

[[Image:|110px| पर्सियायागु]] ध्वांय [[यागु पर्सिया|]]
म्ये: {{{national_anthem}}}
पर्सियायागु नक्सा
राजधानी	Babylon Pasargadae (Cyrus the Great) Ecbatana (ceremonial) Susa (Darius the Great) Persepolis (ceremonial)
तधंगु सहर	{{{largest_city}}}
औपचारिक भाय	{{{official_languages}}}
सरकार	राजतन्त्र
{{{sovereignty_type}}} {{{established_events}}}	{{{established_dates}}}
क्षेत्रफल
- फुकं	[[{{{area_magnitude}}}वर्ग मि |{{{area}}} किमि²]]
	({{{areami²}}} वर्ग माइल)
जनसंख्या
- जनघनत्व	{{{population_density}}}/किमि² ({{{population_density_rank}}}) ({{{population_densitymi²}}}/वर्ग माइल)
मुद्रा	Daric, siglos ({{{currency_code}}})
ई क्षेत्र	{{{time_zone}}} (UTC{{{utc_offset}}})
इन्टरनेट TLD	{{{cctld}}}
कलिंग कोड	+{{{calling_code}}}
a. ^ Official language and native language of the ruling class. b. ^ Official language and lingua franca. c. ^ Literary language in Babylonia.

थ्व साम्राज्यं निगु शताब्दि स्वया अप्व समय तक हलिंया छगू तःधंगु भूभाग थःगु अधीनय् तयेफत। ४८० ईसा पूर्वय् इरानया साम्राज्य थःगु दकलय् चकंगु सीमाय् थ्यन। भारतया सिन्धु स्वनिगः निसें मिस्रया नाइल खुसि बेन्गाजी तकया वर्तमान लीबियाया क्षेत्र व यूरोपय् देन्युब खुसिं निसें मध्य एशिया तक थ्व साम्राज्य दयाच्वन। थ्व प्राचीन इतिहासया दकलय् तःधंगु साम्राज्यय् छगू खः।

पार्स , इरानी पठारया दक्षिण-पश्चिमया थासं थ्व साम्राज्यया राजवंशं सत्ता ल्हातय् लाकूगु ख। यक्व शताब्दि तक थ्व क्षेत्रय् शासन यायेधुंका थ्व राजवंशया सदस्यय् छम्ह साइरस महानं मेडियन साम्राज्य, लिडियन साम्राज्य व बेबीलोनियन साम्राज्य त्याका थ्व साम्राज्यया पलिस्था यानादिल। वय्कलं दयेकादीगु शासन निसः दँ तक दयाच्वन व लिपा ३३०ईपूस अलेक्जेन्दरया ल्हातं थ्व शासया पतन जुल। थ्व साम्राज्यया विजयया छुं हे दँ धुंका अलेक्जेन्दरया मृत्यु जुल। थुकिया लिच्वःया कथं पूर्व अचमेनिद साम्राज्यया भूमिया अखण्डता नष्ट जुल। थ्व भूमि थीथी शासकया अधीनय् लावन। लिपा थ्व साम्राज्य दूगु थाय् सेल्यूसिद व तलेमिक शासकतेगु अधीनय् लावन।अन्ततः, इरानीतेसं थःगु स्वतंत्रता पुनः प्राप्त यात व इरानी पठारय् पार्थियन साम्राज्यया पलिस्था जुल।

स्वयादिसँ

• इरान