कालिदास
कालिदास (संस्कृत: कालिदासः) प्रथम शताब्दी ई.पू.या संस्कृत भाषाया महान चिनाखँमि व नाटककार खः। वय्कलं भारतीय पौराणिक बाखँ व दर्शनया आधारय् च्वयादिल व भारतीय जीवन व दर्शनया थीथी रूप व आधारभूत तत्वयात थःगु च्वखनय् ब्वयादिल। थुगु विशेषताया कारणं कालिदासयात भारत राष्ट्रया समग्र राष्ट्रिय चेतनायात सः बिइम्ह कवि कथं कयातःगु दुसा भारतीय विद्वानतय्सं वय्कःयात राष्ट्रकविया पद तकं बियातःगु दु।
अभिज्ञानशाकुन्तलम् कालिदासया दकले प्रसिद्ध रचना ख। थ्व नाटक युरोपेली भासय् भाय्हिलातःगु न्हापांगु भारतीय साहित्यिक च्वखँय् छगू ख। सकल हलिम साहित्यय् थ्व च्वखँयात अग्रणी रचना धकाः म्हसीकिगु या। मेघदूतयम् कालिदासया उत्कृष्ट रचना खः गुकी वय्कःया काव्यया कल्पना व अभिव्यक्ति शक्ति थःगु उत्कृष्ट स्तरय् दु व प्रकृतिया अजूचायापुगु मानवीकरण खनेदु।