Livets dans i Nasjonalmuseet
Livets dans. Samlinga frå antikken til 1950 er basisutstillinga til Nasjonalgalleriet frå 29. april 2011 til 31. desember 2014.[1] Dei fire hovudmotiva i utstillinga er I.C. Dahl og romantikken, Christian Krohg og realismen, dei kjende verka til Edvard Munch og det norske stemningsmåleriet rundt 1900.[2]
Lanseringa av ei ny basisutstilling «Alle snakker om museet» i februar 2005 vakte reaksjonar, men førte òg til auka tilstrøyming.[3] Det meist omtala var at ein splitta opp «Munch-rommet», og synte bileta til Munch saman med andre samtidige målarar. Ein erstatta eit kronologisk prinsipp med eit tematisk. Basisutstillinga vart revidert i 2011, og i den gjeldande basisutstillinga Livets dans. Samlinga frå antikken til 1950 er Munchrommet og eit kronologisk prinsipp innført att.[4] Den nye basissamlinga har vore omtalta som «en kortversjon av verdens kunsthistorie fremfor å speile museets egen samling»[5]
I Kunstkritikk skriv Ingvild Krogvik at Livets dans er den beste samlingsutstillinga Nasjonalgalleriet har laga i nyare tid.[1]
Basisutstillinga
I tillegg til måleria på veggane inneheld fleire av salane ein skuffeseksjon med eit utval av grafikk og teikningar til same tema/periode.
Trappa
I trappa heng Christian Krohg sine målerier «Albertine i politilegens venteværelse» 1885-87, «Leif Erikson oppdager Amerika», 1893 og «Kampen for tilværelsen», 1888-89. I tillegg står Charles Despiau si portrettbyste av Jens Thiis, frå 1933–35 her.
A. Gresk kunst i antikken, «Gudar»
I denne delen finn ein mellom anna Torso av gud, f. eks. Apollon, Asklepios, Typus Museo Nuovo, torso, Isisprestinne/kvinnelig farao torso, Persefone/Kora, Typus Urania Uffizi av Praxiteles Torso, romersk lenos (sarkofag) med eroter, Eros og Psyche (dans), Hermes av Polykleitos, hode, Archaisk hode (KIM) og Andrea Locatelli, Bakkantinner og fauner.
B. Romersk kunst i antikken, «Menneske»
Av verk stilt ut i dette rommet finn ein skulpturar og/eller bystar av Aristoteles, Pindar, Olympiodoros, Cato, Nero, Trajan, Marcus Aurelius, Geta, Elagabalus og Alexander Severus og ein romersk bornesarkofag med sirkusframstilling. Den nederlandske målaren Jacob van der Ulfts måleri «En sjøhavn» heng òg her.
C. Ikonar frå Russland
I neste rom er ei samling ikonar frå middelalderen med «Den heilage biskop Nikolaus», «Dei kongelege dørane», «Maria med barnet», «Jesu fødsel», «Presentasjonen i tempelet», «Transfigurasjonen» og «Kristi Himmelfart».
Referansar
- ↑ 1,0 1,1 Ingvild Krogvig: Internasjonalgalleriet frå Kunstkritikk
- ↑ Livets dans. Samlingen fra antikken til 1950 frå Nasjonalmuseet
- ↑ Dag Solhjell Nye grep i Nasjonalgalleriet kunstkritikk.no, 7.3.2005
- ↑ nasjonalmuseet.no Livets dans. Samlingen fra antikken til 1950
- ↑ Lotte Sandberg. «En litt anstrengt dans». Aftenposten, 29.4.2011
Kjelder
- Denne artikkelen bygger på «Livets dans (Nasjonalmuseet)» frå Wikipedia på bokmål, den 25. oktober 2012.
