Just Johan Bing

Just Johan Bing
	Just Johan Bing
Fødd	9. september 1793; Fredrikstad
Død	7. januar 1877 (83 år)
Statsborgar av	Noreg
Yrke	sorenskrivar, politikar
Mor	Johanne Antonette Kuhlmann
Far	Fredrich Christian Bing
Barn	Just Bing, Frederik Daniel Fritzner Bing
Alle verv	stortingsrepresentant (1836–1838); vararepresentant til Stortinget (1827–1829); vararepresentant til Stortinget (1830–1832); vararepresentant til Stortinget (1833–1835); stortingsrepresentant (1839–1841); stortingsrepresentant (1845–1847); stortingsrepresentant (1848–1850) ;

Den utskrivbare versjonen er ikkje lenger støtta eller kan ha rendring-feil. Oppdater eventuelle bokmerke i nettlesaren din og bruk den vanlege utskriftsfunksjon til nettlesaren i staden.

Just Johan Bing (9. september 1793–7. januar 1877) var ein norsk embetsmann og stortingsmann frå Østfold.

Bing var fødd i Fredrikstad, far hans var offiser. Han gjekk sjølv offisersvegen, vart offiser i 1809. Seks år seinare tok han som premierløytnant avskjed med det militære. År 1822 tok han norsk juridisk eksamen, frå 1827 var han underretts prokurator i Østfold. Han vart byfut i Fredrikstad i 1831. I 1839 vart Bing sorenskrivar i Tune, eit embete han hadde til han i 1853 flytta til tilsvarande embete i Rakkestad.

Bing var varamann til Stortinget ved tre påfylgjande stortingsval, før han kom inn på Stortinget frå Fredrikstad i 1836. Han møtte også på det overordentlege storting 1836-37 og stortinget 1839. Under alle tre tingsamlingane var han sekretær i Odelstinget og visesekretær i Stortinget. På ny på Stortinget i 1845 og i 1848, då vald for Fredrikstad og Sarpsborg. Han var i 1845 sekretær i Stortinget og i kyrkjekomite nr 1. I 1848 var han medlem av kyrkjekomite nr 2.

Bing døydde i Eidsberg i 1877.

Kjelder

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Just Johan Bing NSD Norsk senter for forskningsdatas politikararkiv