Mai de 2006

Vejatz tanben: Abril de 2006 - Junh de 2006 - 2006.

Actualitats del mes de mai de 2006

Dimècres 31 de mai de 2006

• França, Justícia : Lo professor Pierre Pellerin es estat mes en examen per « engana agravada » portant sus las consequéncias en França de la catastròfa de Tchernobyl.

Diluns 29 de mai de 2006

• Faissa de Gaza : Una unitat especiala israeliana a operat dins la nuèch a Beit Lehi al nòrd de Gaza e eliminat 3 membres del Djihad islamic e n'a ferit uèch, que s’aprestavan a tirar de roquetas sus Israèl.
• lo Conselh de l'Union Europèa s'alinha largament sus la refonda de la directiva servicis elaborada pel Parlament europèu ; a tèrme, lo plombièr polonés poirà prepausar liurament sos servicis en França, mas pas dins las condicions imaginadas per l'èx-comissari Frits Bolkestein ;

Dimenge 28 de mai de 2006

• Colómbia: Lo president Álvaro Uribe es estat reelegit al primièr torn de las eleccions presidencialas, malgrat una majoritat d'abstencions e de fraudas a las legislativas ;
• França, Canas : Ken Loach obten la Palma d'Aur del 59^en Festenal de Canas per Le vent se lève ;

• Indonesia: A 6 oras del matin, ora locala, un tèrratrem dins l'illa de Java fa mai de 5700 mòrts.
• Indonesia: Tèrratrem dins l'illa de Java : primièr bilanç 1600 mòrts.

Divendres 26 de mai de 2006

• Decès accidental d'Édouard Michelin.
• Lo siderurgista Arcelor anóncia sa fusion amb lo rus Severstal per contrar l'OPA del numèro 1 mondial Mittal Steel.

Dijòus 25 de mai de 2006

• Fèsta crestiana del dijòus de l'Ascension : jorn feriat en Euròpa.

Dimars 21 de mai de 2006

• Serbia e Montenegro : A l'ocasion del referendum, los Montenegrins an votat en favor de l'independéncia de la Republica de Montenegro amb una majoritat de 55,5%.

Diluns 20 de mai de 2006

• Grècia : Lo grop de rock finlandés Lordi a ganhat l'Eurovision en totalizant un recòrd de 292 punts.

Dijòus 17 de mai de 2006

• Republica Populara de China : Lo barratge de las Tres Gòrjas es oficialament acabat.
• Republica Populara de China : un milion de personas son estadas evacuadas davant l'arribada del tifon Chanchu qu'a ja fach 50 mòrts en Asia.

Dimècres 17 de mai de 2006

• Estadi de França, Saint-Denis : Lo FC Barcelona ganha la Liga dels Campions europèa de fotbòl contra lo club londonian d'Arsenal FC dos buts a un.
• Itàlia : Lo govèrn de Romano Prodi novèl es estat presentat e a prestat jurament al Quirinal.

Dimars 16 de mai de 2006

• USA : En seguida a la demanda formulada per l'organizacion Judicial Watch via lo FOIA, lo Departament de la defensa a rendut publicas doas vidèos mostrant l'atac contra lo Pentagòn al moment dels atemptats de l'11 de setembre de 2001.
• Brasil : Lo bilan dels atacs d'aquesta fin de setmana contra la polícia s'es apesantit : se còmpta d'ara enlà 135 mòrts. Segon lo secretariat a la securitat publica de São Paulo, 40 policièrs, 71 assalidors e 4 passants son mòrts dins los 251 atacs enregistrats contra las fòrças de l'òrdre e d'objectius civils dempuèi divendres al ser.
• Washington DC : George W. Bush anóncia son intencion de desplegar 6000 gardas nacionals sus la frontièra americanomexicana per un periòde d'un an per luchar contra l'immigracion clandestina. Tanben, a declarat son intencion de regularizar una partida dels clandestins, jos cèrtas condicions.

Dijòus 11 de mai de 2006

• Catalonha, Politica : Lo President de la Generalitat de Catalonha, Pasqual Maragall, anóncia la revocacion de tots los conselhièrs d'ERC, çò que signifia la fin del tripartit catalan, e tanben la convocacion d'eleccions abans la fin de l'an. El País

Diluns 8 de mai de 2006

• Brasil : Lançament del primièr centre brasilièr d'enriquiment d'urani a 150 km a l'oèst de Rio de Janeiro.

Divendres 5 de mai de 2006

• Roma: La garda soïssa pontificala festeja sos 500 ans.
• Nigèria: l'Armada de liberacion de Sodan a acceptat de signar l'acòrdi de patz amb lo govèrn de Sodan a Abuja.
• Reialme Unit : Remanejament del govèrn britanic en seguida de la desfacha del Labour a las eleccions localas. Sòrton en particular Jack Straw (Afars Estrangièrs) e Charles Clarke (interior), remplaçats per Margaret Beckett e John Reid.

Dimècres 3 de mai de 2006

• Alexandria, Estats Units : la jurada populara recomanda de condemnar Zacarias Moussaoui a la preson per la vida.
• Alèrta al tsunami lançada pel centre d’alèrta dels tsunamis dins lo Pacific a las illas Fiji e en Nòva Zelanda en seguida d'un tèrratrem evaluat a 8,1 sus l'escala de Richter a proximitat de las Tònga.
• Sotchi, Russia : Catastròfa aeriana, lo vòl 967 d'Armavia s'esclafa en mar Negra, tuant l'ensemble de sos 113 passatgièrs.

Dimars 2 de mai de 2006

• 2 de mai, Genèva, Soïssa : publicacion de la Lista roja de l'IUCN de 2006. Sus las 40 169 espècias seguidas, 16 119 son menaçadas d'escantiment, entre elas un tèrç d'anfibians que son considerats coma los indicators melhors de la degradacion del mitan ambient, perque son los pus sensibles. 784 son oficialament atudadas e 65 existisson pas mai qu'en captivitat o en cultura. Lo director de l'IUCN, Achim Steiner, es estat particularament clar: «la pèrda de biodiversitat s'accelèra al luòc de ralentir». [1].
• 2 de mai, París, França : los dirigents dels 5 membres permanents del Conselh de securitat de l'ONU e Alemanha s'acampan per adoptar una estrategia comuna concernent lo programa nuclear iranian.

Diluns 1^èr de mai de 2006

• 1^èr de mai, Bolívia : lo president de Bolívia Evo Morales ordena a l'armada d'ocupar los camps petrolifèrs en vista de nacionalizar aqueste sector energetic.
• 1^èr de mai, Soïssa : l'esquiaira Corinne Rey-Bellet amb son fraire son assassinats.