Xiphophorus maculatus
Platy en aqüari
Lo platy (Xiphophorus maculatus) es una espècia de peisses d'aiga doça tropicala de la familha dels Poeciliidae. Es un peis d'aqüari fòrt comun. Lo platy fa partida dels ovovivipars coma los guppys.
Descripcion
[modificar | Modificar lo còdi]Las femèlas mesuran fins a 6 cm, e los mascles solament 4 cm.[1] Existisson fòrça varietats que diferisson per lors colors (Tuxedo, Luna, Hawaï, Wagtail, Coralh…) en aqüariofilia. Los subjèctes mascles possedisson de maculas negras plan distintas[2].
-
Varietat pigalhada -
Varietat blava -
Varietat bicolòra
Abitat e reparticion
[modificar | Modificar lo còdi]Aqueles peisses se rencontran en America centrala (Mexic, Belize e Guatemala).
Vivon dins los estanhs, paluns, las zònas calmas en ribas e dins los rius rics de plantas aqüaticas.
Compòrtament
[modificar | Modificar lo còdi]Los platys son de peisses pacifics e curioses, que se passan lor temps a recercar de noiridura.
Pasmens, mantun mascle dins lo meteis nauc pòdon engendrar qualques pelejas estressantas per tota la comunautat de l'aqüari.
Genetica
[modificar | Modificar lo còdi]Dins lo comèrci, se tròba una multitud de formas e de colors per aqueste peis, que son estadas seleccionadas long dels ans. Las varietats son totas la frucha de seleccions e d'ibridacions dins e amb las tres espècias seguentas : Xiphophorus helleri, Xiphophorus variatus e Xiphophorus maculatus[3]. Lo platy salvatge es mens colorat, e sas tintas van del gris al jaune òcre[4].
Alimentacion
[modificar | Modificar lo còdi]Son omnivòrs, amb çaquelà una preferéncia pels vegetals.
A l’ocasion d'una reproduccion en nauc liure (sens proteccion per la rabalha), arriba fòrt sovent que los adultes mangen los pichons a pena nascuts.
Reproduccion
[modificar | Modificar lo còdi]Aqueste peis es ovovivipar, aquò significa que la fecondacion es intèrna. Una partida de la nadarèla anala del mascle a evoluat en un organ reproductor tubular, lo gonopòde. Coma los guppy, los platys son extrèmament prolifics. Lo nombre de peissonets per peissonada vària entre 10 e 40.
Quand la femèla es a mand de far los pichons, sa taca anala es plan negra e son ventre conflat d'uòus. Los uòus espelisson, puèi la femèla pond de peissonets vivents, ja capables de se noirir solets.
Los platys pòdon viure de 2 a 3 ans.
Mantenença en captivitat
[modificar | Modificar lo còdi]Lor agrada una aiga a una temperatura compresa entre 21–28 °C (25 °C per la reproduccion), amb un pH leugièrament alcalin comprés entre 7,0 et 8,0 (7,5 per la reproduccion) e amb una duretat mejanament elevada compresa entre 10°d GH e 25°d GH, (14°d GH per la reproduccion). Aquestas valors son generalas e qualques especimèns que provenon de rius especifics an de besonhs completament diferents.
Reproduccion en captivitat
[modificar | Modificar lo còdi]
La reproduccion aisida e lo caractèr prolific de l'espècia pòt entrainar la subrepopulacion de l'aqüari.
Las diferentas varietats (formas e colors) de platys
[modificar | Modificar lo còdi]- Platy albinós perlat
- Platy roge còr sanglant-coralh
- Platy wagtail
- Platy coralh
- Platy cometa
- Platy luna
- Platy calico
- Platy spitz
- Platy Simpson
- Platy marigold
- Platy papagai
Referéncias
[modificar | Modificar lo còdi]Ligams extèrnes
[modificar | Modificar lo còdi]- Referéncia FishBase :
- Xiphophorus maculatus dins www.aquabase.org (fr)
- Referéncia ITIS : Xiphophorus maculatus(Günther, 1866) (fr) ( (en))
- Referéncia Animal Diversity Web : Xiphophorus maculatus (en)
- Referéncia NCBI : Xiphophorus maculatus (en)
